Hversu lengi ætli hann muni liggja svona í faðmi mér <3 besta byrjun á deginum.
Elska svo fast.
Í æskuminningum mínum er 17. júní heimsókn á Hverfisgötuna til Unnar (langa) ömmu minnar sem þar bjó, við röltum upp stiga upp á milli gömlu húsanna og Landsbankans og hoppuðum þar inn í skrúðgönguna á Laugarveginum sem byrjaði á Hlemmi. Með candy floss í annarri og upplásna blöðru í hinni var þetta einn af betri dögum ársins sem endaði svo hinum löngu og langa (pabba megin) sem bæði áttu afmæli á þessum degi, hjónin, og því alltaf mikil fjölskylduveisla/sídegiskaffi.
Þegar ég upplifi 17. júní með börnunum mínum þá hefur þessi dagur oft snúist um svipað, bæjarferð og gleði, en ég held að við höfum aldrei náð skrúðgöngunni og oftast er rigning og þá hlaupum við inní Hörpu. Yfirleitt er þetta sá tími þegar við erum nýkomin til landsins í sumarfrí og því mjög spennt fyrir því að hitta fjölskyldu og vini.
Í ár fögnum við deginum í Danmörku og það var ánægjulegt að útskýra hvaða mikilvægu merkingu 17. júní hefur fyrir Ísland gagnvart einmitt Dönum. Krakkarnir fóru með meiri visku með sér í skólann í morgun og sögðu stolt frá frelsinu sem Íslendingar fengu á þessum merka degi árið 1944. Til hamingju Ísland!
Þó að það sé bara venjulegur rútínu dagur á okkur fjölskyldunni þá var alveg ok að leyfa GM að klæðast fínni klæðum í tilefni dagsins. Við erum búin að bíða eftir tiilefni til að nota skyrtuna við stuttbuxurnar sem hann hefur notað endalaust í mörg ár (þetta eru buxur númer 2).
As We Grow, Íslensk hönnun
Garðurinn okkar góði ..
Ég vona að þið eigið öll góðan dag.
xx,-EG-.
Skrifa Innlegg