„Chelsea boots“ eru í tísku ár hvert

November 20, 2015

FASHION MAGAZINE

Chelsea boots eru umræða dagsins í tískubabli vikunnar fyrir Lífið, fylgirit Fréttablaðsins.

Eitt af þínum skópörum í haust ætti án efa að vera „Chelsea boots“. Þetta er haust-trend sem kemur
til baka ár eftir ár með litlum sem engum breytingum. Svört ökkla- stígvél sem henta við öll tækifæri og virðast ganga við allavega fatn- að.

Eins gaman og það getur verið að bregða út af einfaldleikanum í klæðaburði þá höldum við okkur flestar niðri á jörðinni þegar kemur að skókaupum. Fallega einföld svört stígvél geta gefið lúkk sem dettur ekki úr tísku. Tímalaus kaup sem ganga vel við önnur trend sem koma og fara.

Í ár virðast skórnir vera ökklaháir, aðeins támjórri með þægilegum hæl sem gefur örlitla upphækkun – smá „sixties“ stíll. Það er þó margt í gangi og ekkert á bannlista, undirrituð mælir með að þau séu tekin sem klassískust. Þannig getur maður leyft sér að eyða aðeins fleiri krónum, keypt meiri gæði, spreyjað þau vel fyrir íslenskar aðstæður og átt þau í áraraðir.

Skoðið meðfylgjandi myndir og finnið ykkar Chelsea-stígvél.