English below
Óskalistinn þessa stundina. Mér finnst alltaf svo gaman að skoða sambærilegar færslur hjá öðrum á blogginu og ákvað því að skella í minn eigin lista, það er allt of langt síðan ég gerði það síðast. Að útbúa óskalista er líka góð aðferð til að lista það niður hvað það er sem mann langar í hverju sinni.
- Ganni Wrap Dress – ég mátaði þennan kjól í síðustu viku og er ótrúlega skotin í honum. Hann hentar líka einstaklega vel fyrir stækkandi óléttubumbu og ég sé mig fyrir mér í honum í sextugsafmæli mömmu í október. HÉR.
- Ferm Living Loop Cushion – þessi púði myndi passa vel í sófann okkar. HÉR.
- Emerald grænn er einn af mínum uppáhalds litum, sérstaklega þegar kemur að munum fyrir heimilið. Þessi vasi er frá danska hönnuðinum Louise Roe. HÉR.
- Hinir fullkomnu hring-eyrnalokkar? Mig „vantar“ svona týpu í silfri og þessir eru úr ekta silfri frá Maria Black. HÉR.
- Græn lakkstígvél frá Yuul Ye – ég elska hælinn og hæðina á honum, stundum þarf ekki nema smá hæl til að líða extra fínni. HÉR.
- Æ, bara fullkomin rúskinnstaska í fullkominni stærð og fullkomnum lit. Er sjúk í þessa. Frá Acne Studios. HÉR.
- Nokkrum númerum of krúttlegir merino ullarskór á litla krílið, sem kemur í heiminn í blússandi vetri í febrúar. HÉR.
- Ég rakst á þessa bók á bæjarrölti um daginn, ótrúlega falleg og full af fróðleik. Sniðug gjöf! HÉR.
- Wood Wood kjóll sem var að lenda í Húrra Reykjavík. Ég læt mig bara dreyma um þennan í bili.. eða prófa að máta hann hnepptan frá? HÉR.
- Sett frá uppáhalds undirfatamerkinu mínu Love Stories sem fæst í Yeoman, Skólavörðustíg. HÉR.
- Vatnskarafla frá HAY – mér finnst eitthvað mega skemmtilegt við hana. Við erum alltaf með kalt vatn í könnu inni í ísskáp sem mætti vel skipta út fyrir þessa. HÉR.
- Signet Ring frá Sif Jakobs, myndi passa vel við eyrnalokkana hér að ofan. HÉR.
My wishlist at the moment. I love reading similar posts from other bloggers so I decided to make one my own, for the first time in way too long.
1. Ganni Wrap Dress – here. 2. Ferm Living cushion – here. 3. Louise Roe vase – here. 4. Maria Black hoops – here. 5. Yuul Ye boots – here. 6. Acne Studios bag – here. 7. Baby merino boots – here. 8. Book – here. 9. Wood Wood dress – here. 10. Love Stories underwear – here. 11. Hay carafe – here. 12. Sif Jakobs ring – here.
Vonandi fenguð þið einhvern innblástur af óskalistanum
—
Andrea Röfn
Fylgið mér á instagram: @andrearofn
Þessi færsla er ekki kostuð.
Skrifa Innlegg