HOME DETAILS

GRIKKLANDHEIMAINTERIORPERSÓNULEGT

Ég er búin að vera allt of lengi að koma þessaru færslu hérna inn. Þetta er í fyrsta skipti sem ég er smá, ogguponsu, pínulítið stressuð að ýta á publish. Ég hef aldrei sett inn færslu sem inniheldur myndir af heimilinu mínu! En ég setti könnun í Instagram stories um daginn þar sem ég spurði hvort fólk hefði áhuga á svona færslu og 99% svöruðu já.

Við Arnór erum búin að koma okkur vel fyrir hérna í Grikklandi en við fluttum hingað í júlí. Íbúðin okkar er mjög stór og björt og gæti auðveldlega rúmað miklu fleiri húsgögn og muni, en við höfum allan tímann passað okkur að fylla íbúðina ekki af dóti. Maður veit aldrei hvenær kemur aftur að því að flytja, panta flutningaþjónustu og pakka niður. Svo er ekkert sjálfsagt að við munum búa í jafn stóru húsnæði á næsta áfangastað.

Ég tók bara details myndir í þetta skiptið af hinum ýmsu hlutum heima hjá okkur. Ætla að taka fram hvaðan flestir hlutirnir eru en ef það er eitthvað sem ég gleymi eða þið hafið spurningar um, ekki hika við að skilja eftir comment eða senda mér línu.

Bakki: Zara homeSpegill: HAYPlöntuboxið og pottarnir eru frá Ferm Living. Ég pantaði hér.Uppáhalds hluturinn minn á heimilinu. Perlufíll sem ég fékk í jólagjöf þegar við héldum jólin í Cape Town í Suður Afríku fyrir tveimur árum. Ég verð þar aftur þessi jól og hlakka til að eignast fleiri fallegar minjar þaðan.Stólana keyptum við hérna í Aþenu. Þeir eru frá danska merkinu BoConcept og heita Adelaide. Ég er svo ótrúlega ánægð með þá! Hægt að skoða þá nánar hér. Hef líklega aldrei verið jafn væmin í mér og þegar ég pantaði þetta plakat. Þetta er bara svo fallegt og okkur finnst mjög gaman að rifja upp hvar og hvernig við hittumst fyrst :-) Lampann fékk ég á markaði í Cape Town, vasinn er úr Zara home og kollurinn IKEA. 

Ef þið höfðuð gaman af blogginu endilega smellið á like eða hjartað! Mér þætti mjög vænt um það.

Andrea Röfn

Fylgið mér á Instagram og Snapchat: @andrearofn

OUTFIT

GRIKKLANDOUTFIT

Sólin skín ennþá hérna í Grikklandi, en haustið er samt farið að banka upp á. Það þýðir bara að ég get farið að klæðast peysum og buxum sem hefur ekki verið möguleiki síðan við fluttum. Hitinn hérna er búinn að vera rosalegur og ég viðurkenni það alveg að það er mikil áskorun að vera á stuttbuxum, pilsum og hlýrabolum alla daga og reyna á sama tíma að heimfæra það á minn eigin stíl. Þannig að, eins ljúfur og hitinn getur verið erum við Arnór orðin smá spennt fyrir komandi árstíðum sem eru samt eiginlega líkari íslensku sumri frekar en týpísku hausti og vetri.

Bolur: Stone Island
Stuttbuxur: Levi’s vintage
Skór: Yeezyboost 350 V2 Cream

Andrea Röfn

Endilega fylgið mér á Instagram og Snapchat: @andrearofn

OUTFIT

GRIKKLAND

Við Arnór kíktum í miðbæ Aþenu um daginn. Við búum sirka 20 mínútum frá, við ströndina í bæ sem heitir Voula. Ég ætti kannski að skella í Grikklands færslu sem allra fyrst og veita ykkur smá innsýn í lífið í nýja landinu – endilega setjið like eða hjarta hérna fyrir neðan ef þið hefðuð gaman af slíku bloggi.

OUTFIT

Kjóll: GANNI
Skór: Louis Vuitton
Sólgleraugu: Dior

xx

Andrea Röfn

Endilega fylgið mér á Instagram og Snapchat: @andrearofn