Miðasala fyrir stærsta tískuviðburð ársins hjá okkur Íslendingum – RFF 2015 – er hafin (!)
Eins og áður hefur komið fram eru sex hæfileikaríkir hönnuðir sem sýna hönnun sína á hátíðinni í ár:
Trendnet mun halda uppteknum hætti og vera með gestablogg í sambandi við hátíðina í samstarfi við Coke Light. Það blogg fer í loftið núna um helgina (!) Þar munu lesendur fá betri kynningu á hátíðinni og því sem fer fram á bakvið tjöldin. Á tískuhátíðinni höldum við í vanann og “bloggum í beinni” – lesendum verður haldið vel við efnið.
Mér líst rosalega vel á þann hóp hönnuða sem tekur þátt í ár og er spennt að sjá hvað þau munu bjóða okkur uppá. Pressan á Jör eykst með hverju árinu því nú er fólk farið að búast við miklu. Ég bíð einnig spennt eftir Eyland, sem eru nýliðar. Þá eru Magnea og Sigga Maija þekkt fyrir fallega hönnun og Scintilla kemur með sína fyrstu fatalínu. Another Creation er síðan stærsta spurningamerkið í mínum bókum.
Í ár fer hátíðin fram dagana 13. og 14. mars. Föstudagskvöldið samanstendur af tveim sýningum, Jör og Sigga Maija, og á laugardeginum sýna hinir 4 hönnuðurnir. Hægt er að kaupa miða á staka sýningu á 2.990 kr. eða á allan viðburðinn á 11.990 kr.
Miðasalan fer fram á miði.is – HÉR
Pressið á “læk” hér á hliðinni, þið sem ætlið að hitta mig í Hörpu í mars!
Sjáumst þar á RFF 2015 (!)
xx,-EG-.
Elísabet Gunnars á Facebook – HÉR
&
Trendnet á Facebook – HÉR
Skrifa Innlegg