Fyrir ári síðan skrifaði ég póst um undirföt sem voru á óskalistanum fyrir síðustu jól. Sett frá Lonely Lingerie sem verslun Jör by Guðmundur Jörundsson selur á Laugaveginum. Ég var svo heppin að jóli fylgdist með blogginu því nærfötin urðu mín á aðfangadagsmorgun.
Lonely heldur áfram að freista mín, því þessa dagana get ég ekki hætt að hugsa um sundföt sem ég rakst á fyrir helgi. Ég sé fyrir mér mikið notagildi í þeim þó það verði ekki fyrr en eftir áramót miðað við mitt líkamlega ástand þessa dagana.
Íslendingar leita sér að sundfatnaði allan ársins hring, kannski ólíkt því sem gengur og gerist annarsstaðar. Ég hef því í gegnum tíðina oft fengið spurningar frá lesendum hvar hægt sé að kaupa hin bestu sundföt. Oft eru konur að leita sér að svörtum sundbol í góðu sniði sem er þó ekki “lummó”. Það verður því kannski slegist um þennan að neðan? Ég er alveg sjúk.
Bikiníin eru líka á óskalista – sexý en smart. Ég sé fyrir mér að geta liðið vel í þessum með lítinn gutta á hendinni með vorinu.
Nú er bara spurning hvort verður fyrir valinu fyrir mig sjálfa? Kannski að ég leyfi jólasveininum að taka þá ákvörðun. Ég geri ráð fyrir því að hann lesi þennan póst og taki þessu hinti. Kauptips fyrir ykkur sem eruð að leita að sama lúkki. Hér má skoða það úrval sem JÖR er með í sölu fyrir áhugasama.
Langar ..
xx,-EG-.
Elísabet Gunnars á Facebook – HÉR
&
Trendnet á Facebook – HÉR
Skrifa Innlegg