NIKITA Clothing er eitt af mínum uppáhalds merkjum og á sér sérstakan stað í hjartanu mínu. Þegar ég var 18 ára byrjaði ég að vinna með NIKITA og í kjölfarið ferðaðist ég til Mexíkó, Miami, Frakklands, Spánar, Ítalíu og London, ásamt því að eyða ófáum klukkustundum í NIKITA myndatökur hér á Íslandi. Á þessum tíma kynntist ég fólki sem skipta mig mjög miklu máli í dag.
Heiða Birgisdóttir er yfirhönnuður og stofnandi NIKITA. Hún hannar hérna heima en höfuðstöðvar NIKITA eru í Portland. Ég fór um daginn til hennar að sækja brettaföt og sá í leiðinni þennan guðdómlega jakka hangandi á slá. Þegar ég var komin í hann sagði Heiða mér að taka hann með mér heim, það yrði einhver að nota hann og hann væri aðeins of stór á hana sjálfa. Ég hef varla farið úr honum síðan enda finnst mér standa Andrea (og Heiða) utan á honum. Ég fæ aldrei jafn mörg hrós eins og þegar ég klæðist jakkanum og það gleður mig alltaf jafn mikið að segja fólki að þetta sé Nikita jakki :-)
Jakki: NIKITA
Skór: Adidas Tubular
xx
Andrea Röfn
Skrifa Innlegg