Golden Globe hátíðin fór fram á sunnudaginn fyrir viku eins og hefur eflaust ekki farið framhjá mörgum. Að venju fylgdist ég með rauða dreglinum og parti af verðlaunaafhendingunni sjálfri. Strax þar á eftir helltist yfir mig flensa og ég er rétt að skríða á lappir að nýju. Ég held þó í hefðina og ætla að fjalla um kjólana í ár.
Kjólarnir í ár voru margir hverjir stórglæsilegir. Eins og ég hef áður talað um er gaman hvað Golden Globe hátíðin er afslappaðri en aðrar hátíðir og stjörnurnar leyfa sér ýmislegt skemmtilegt þegar kemur að fatavali. Í þetta skiptið voru ekki margar sem tóku sénsinn og voru óhefðbundnar, en Emma Stone og Lorde skáru sig þó út úr, báðar klæddar buxum. Ég fíla svona töffara eins og ég hef svo oft áður sagt.
Erna Hrund fór vel yfir make-up og hár hátíðarinnar hér – og hér eru svo mínir uppáhalds kjólar frá sunnudagskvöldinu.
Reese Witherspoon í Calvin Klein
Allt flott við lúkkið hennar Reese og hún er að mati margra best klædd þetta árið. Kjóllinn er fallega glitrandi (eitthvað fyrir mig) og ég fíla síddina á honum. Svo finnst mér hárið mjög fallegt, það er ekki út úr spreyjað með hárlakki eins og hjá mörgum.
Amal Clooney í Chanel
Ofurkonan og töffarinn Amal hefur verið mikið í umræðunni þessa vikuna. Það eru nefnilega ekki sammála um lúkkið hennar frá kvöldinu. Kjóllinn er fallegur og örlítið dramatískur og eru flestir sammála um það. Svo eru það hanskarnir sem hún klæddist við kjólinn og eru skiptar skoðanir á þeim. Sumir segja vandræðalegt að vera ekki með hanska á rauða dreglinum eftir að Amal mætti með sína en aðrir segja hana minna á Michael Jackson eða Englandsdrottningu.
Michelle Monaghan í Jason Wu
Þessi kjóll finnst mér virkilega fallegur, hann er látlaus en samt sker hann sig úr vegna steinanna og mynstursins. Þetta snið fer henni mjög vel og mér finnst flott hvernig hárið fær að njóta sín svona niðri.
Sienna Miller í Miu Miu
Þetta lúkk er mitt uppáhalds frá kvöldinu. Mér finnst þessi kjóll alveg ótrúlega fallegur og þá sérstaklega hálsmálið. Rokkaralegt hárið og látlaust make-up gera heildarlúkkið stórglæsilegt og vegur á móti rómantískum kjólnum. Það gæti nefnilega verið auðvelt að líta allt of væminn út í þessum kjól.
Helen Mirren í Dolce&Gabbana
Drottningin sjálf klikkar ekki þegar kemur að rauða dreglinum. Takið eftir blýantinum sem hún er með nældan í hálsmálið vegna hörmunganna í París, fallegt.
Louise Roe í Jenny Packham
Þessum kjól gæti ég vel hugsað mér að klæðast og hann fer Louise mjög vel. Ég hefði sleppt bóndakonufléttunni en mjög fallegur kjóll.
Dakota Johnson í Chanel
Bling bling bling bling.. Kjóllinn og Dakota eru bæði guðdómleg. Dökka hárið og rokkaður kjóllinn vinna vel saman.
Emma Stone í Lanvin
Yfirtöffari kvöldsins mætti í samfestingi með slaufu á bakinu. OF flott. 10 af 10 mögulegum!
Jennifer Lopez í Zuhair Murad
Mjög umtalað lúkk á Jennifer Lopez og ég veit ekki enn almennilega hvað mér finnst. En konan er bombshell og 45 ára, ætli hún megi ekki bara allt!
Naomi Watts í Gucci
Gulur fer Naomi vel og snákahálsmen um hálsinn enn betur! Ég er mjög skotin í þessu lúkki.
Quvenzhane Wallis
Aðalleikkonan í Annie varð að fylgja með, sjáiði hvað hún er fín!
Chrissy Teigen í Zuhair Murad
Liturinn á þessum kjól er fullkominn fyrir Chrissy. Pallíetturnar og mynstrin heilla mig mikið. Svo finnst mér síðermakjólar oft mjög fallegir og það á klárlega við í þessu tilfelli.
—
Þetta eru uppáhalds kjólarnir mínir í ár. Emma Stone og Sienna Miller fá vinninginn að mínu mati.
Eruð þið sammála eða finnst ykkur vanta einhverja á listann? Hér eru svo færslurnar frá síðustu tveimur árum: 2013 & 2014
xx
Andrea Röfn
Skrifa Innlegg