Uppáhalds flíkin mín í ræktina þessa stundina eru æfingabuxur frá CW-X. Þessar buxur eru gæddar miklum eiginleikum og eru þægilegar fyrir allan peninginn.
CW-X íþróttafatnaður er hannaður til að bæta frammistöðu og draga úr hættu á meiðslum. Buxurnar eru þröngar og þar af leiðandi með þéttan þrýsting sem örvar blóðflæði og styður við helstu vöðva og liðamót þar sem álagið er mest við hreyfingu. Eiginleikar buxnanna stuðla einnig að hraðari upphitun, auknu úthaldi og flýta fyrir endurnýjun orku.
Ég sjálf æfi ekki það mikið að ég þurfi á öllum þessum eiginleikum að halda í æfingabuxum. En eftir að buxurnar urðu mínar finnst mér langbest að æfa í þeim, sérstaklega þegar ég hleyp því þær veita svo góðan stuðning.
Þó að buxurnar séu í grunninn hlaupabuxur er mjög algengt að fólk noti þær í alls kyns íþróttum líkt og skíðum, fótbolta og crossfit. Ég veit líka um marga sem finnst þægilegt að klæðast buxunum í flugi.
CW-X buxurnar fást í Útilíf, Sportlíf, CR Reykjavík, Inter Sport og Afreksvörum- og ég mæli svo sannarlega með :-)
xx
Andrea Röfn
Bolurinn sem ég er í er frá YAS – segi ykkur frá því merki innan skamms. Skórnir eru Nike Free Flyknit frá Nikeverslun.is, mæli með þeim.
Skrifa Innlegg