Í dag kíkjum við á fallegt heimili í Malmö sem er í þessum klassíska stílhreina og ljósa skandinavíska stíl. Þessi eftirsótti stíll heppnast best þegar allt er hvítt í grunninn og bætt inn náttúrulegum elementum eins og ljósum viðarhúsgögnum, textíl í ljósum litum, marmara á völdum stöðum, skinn á gólfi og gærur á stólum, viðar og marmari í nokkrum skrautmunum eða húsgögnum og svo að lokum svartir skrautmunir, myndir eða stök húsgögn fyrir meiri dýpt. Einnig er algengt að sjá að minnsta kosti eitt hönnunar íkon á svona heimilum og í þessu tilfelli eru þau nokkur. Þetta er nákvæmlega uppskriftin af þessum vinsæla stíl – endilega leikið eftir ef þetta heillar ♡
Til að bæta inn mýkt og hlýleika eru gólfsíðar beige litaðar gardínur og ljós teppi og rúmi og sófa, reyndar er nóg af textíl á þessu heimili sem gerir það svona heillandi og heimilislegt.
Þið sem fylgist með mér á Instagram þá setti ég inn í story um daginn að ég væri að hugleiða að setja svona fronta á ofna á heimilinu, alveg klassískt að sjá slíkt á skandinavískum heimilum en þekkist varla hér heima. Myndin að ofan sýnir góða lausn við ofn við forstofu og nýtist um leið sem fráleggsborð.
Myndir : Lansfast.se via Nordic Design
Algjör draumur – hvernig finnst ykkur þetta heimili?
// Fylgstu einnig með á Instagram @svana.svartahvitu
Skrifa Innlegg