Það kemur varla annað til greina en að ritstjóri danska Elle og Elle Decoration eigi alveg hrikalega smart heimili en hún Cecilie Ingdal sem ritstýrir tveimur vinsælustu tímaritunum í Danmörku – og Íslandi ef út í það er farið – á eina fallegustu íbúð sem ég hef skoðað, í hjarta Kaupmannahafnar. Áður en fjölskyldan flutti inn var allt rifið út fyrir utan burðarveggi og íbúðinni gjörbreytt með aðstoð arkitekts, þaksvalir voru útbúnar ásamt stærðarinnar opnanlegum glugga sem hleypir birtunni vel inn. Innlitið birtist fyrst hjá Bang & Olufsen en þeir hafa fengið til liðs við sig nokkra danska áhrifavalda til að sýna vörurnar sínar. Mjög góð hugmynd að mínu mati!
Myndir Bang & Olufsen
Hrikalega smart heimili, ekki satt?
Skrifa Innlegg