Pella Hedeby er ein af mínum uppáhalds innanhússstílistunum, ég varð því mjög spennt að sjá að myndir af nýja heimilinu hennar voru að detta á netið, –hér má sjá gamla heimilið hennar sem ég skrifaði um síðasta haust. Nýja heimilið veldur að sjálfsögðu engum vonbrigðum, það er smá sveitasjarmi yfir því og dempaðir litir í forgrunni sem er eitt hennar helsta einkenni. Hvíta panil klæðningin gerir heimilið extra hlýlegt og svo auðvitað gærurnar sem búið er að draga fram eftir sumarið. Þetta er alveg tilvalið innlit til að skoða í þessu haustveðri úti… hlýlegt og fallegt.
Skrifa Innlegg