Sunnudagsheimilið er fallegt eins og þau gerast best. Við höfum líklega mörg séð myndir af þessu hrikalega smart græna eldhúsi á vafri okkar um Pinterest en heimilið í heild sinni hef ég ekki séð fyrr en nú. Stíllinn er afslappaður og skandinavískur – leikfimihringir í stofunni og mikið af persónulegum munum sem gefa heimilinu þennan skemmtilega sjarma. Ég hef reynt að sannfæra minn mann um leikfimihringi í loftið fyrir soninn, vá hvað honum finnst gaman að leika sér í svona. En hingað til hef ég ekki unnið samræðurnar – sumir eru víst ekki hrifnir af þeirri hugmynd að bora í loftið sem var haft mikið fyrir að gera svona fínt haha.
Eigið dásamlegan sunnudag – mínum verður varið í barnaafmæli og fullt hús af gestum! Ljúfa líf ♡
Þessi mynd! Teppið er með því allra girnilegasta sem ég hef séð, þarna sjást einnig leikfimihringirnir sem eru ekki bara skemmtilegir fyrir krakka, heldur líka dálítið smart og gera heimilið meira spennandi.
Flottur myndaveggur!
Dásamlegt grænt eldhús með marmaraborðplötu og gylltum krana. Fullkomin samsetning.
Myndir : Elle Decoration
Ég er skotin í þessu heimili! Hér gæti ég búið ♡
// Fylgstu einnig með á Instagram @svana.svartahvitu
Skrifa Innlegg