Ég á bestu vinkonu sem er sjúk í jólin. Hún bauð mér í jólabakstur áður en hún byrjaði í prófum og var að sjálfsögðu klár með þær hugmyndir sem hana langaði til að koma í verk.
Við gerðum jólalegar bollakökur með smjörkremi – ekki alveg það sem maður er vanur að baka fyrir jólin en flottar voru þær og það var skemmtilegt að breyta til.
Í kökurnar fór pakki af Betty Crocker djöflakökumixi, ásamt pakka af mulnu Oreo kexi
Litaða kremið er smjörkrem og uppskriftina fékk ég á Gotterí og gersemar:
125gr smjör (mjúkt)
500gr flórsykur
1 egg
2 tsk vanilludropar
2 msk sýróp
Hvíta kremið er frá Betty Crocker
Við skelltum svo kreminu í sprautur og hófumst handa við skreytingar. Við setum lakkrís undir kremið og skreyttum í kringum hann.
Jólabarn í lagi með jólatrjáa- og jólahúfukökur. Að sjálfsögðu í nýju jólapeysunni sinni.
Endilega prófið, þetta er handavinna en með jólalögum og góðum félagsskap getur þetta orðið að hinni bestu kvöldstund.
xx
Andrea Röfn
Skrifa Innlegg