Er ekki viðeigandi að koma hérna inn í fyrsta skipti á árinu með eina góða tilkynningu? Ég held það nú.
Lítill drengur hefur boðað komu sína þann 23. ágúst. Endalaus hamingja sem ríkir á heimilinu þessa dagana! Ég er komin 20 vikur og líður vel. Þessi meðganga hefur verið svo gjörólík minni fyrstu. Við komumst að litla laumufarþeganum þann 30. desember og fyrstu 2-3 vikur ársins einkenndust af ógleði og mikilli þreytu. Hins vegar hurfu þessi einkenni fljótt, og eftir fyrsta þriðjung á síðustu meðgöngu gæti ég ekki verið þakklátari fyrir aðra upplifun í þetta skiptið.
Aþena Röfn er mjög spennt stóra systir og byrjar alla morgna á því að segja við „baby“að það sé kominn dagur.
Annars hafa fyrstu mánuðir ársins verið frekar krefjandi á annan máta. Covid í annað skipti, breyting á leikskóla hérna í Boston, hangs á Íslandi í rauðum viðvörunum og mikil ferðalög hjá Arnóri. Kannski drep ég ykkur úr leiðindum með færslu um þetta allt saman, við sjáum til!
x
Andrea Röfn
Fylgið mér á instagram @andrearofn
Skrifa Innlegg