Þetta fallega heimili datt inn á fasteignavefinn í gær en þarna býr engin önnur en Marta María. Hrikalega flott íbúð þar sem hugsað hefur verið út í hvert smáatriði, eldhúsið er sérstaklega vel hannað og þaðan má svo sannarlega fá innblástur, en stofan er þó toppurinn að mínu mati.
Stíllinn á heimilinu er “Glam chic” alla leið svona svo við slettum smá. Speglakommóðan og nokkrir fleiri hlutir setja síðan smá Carrie Bradshaw svip á heimilið (seinni íbúðin), ekki slæmt það:)
Eldhúsið er líka æðislegt, speglahillurnar fyrir ofan innréttinguna eru mjög flott lausn og létta mikið á rýminu sem er ekki stórt. Það sem er sérstakt við þetta eldhús er hversu hlýlegt það er, þá spila auðvitað saman litaval á veggjum og gólfsíðar gardínur en ekki síður smáhlutirnir eins og tímaritin og blómin í vösunum.
Æðislegt heimili!
Fyrir áhugasama þá má finna frekari upplýsingar um þessa íbúð hér.
Skrifa Innlegg