Hér er á ferð sjarmerandi íbúð sem staðsett er í Gautaborg og var það litavalið sem heillaði mig alveg upp úr skónum. Bleikir og brúnir tónar ráða ríkjum og stærðarinnar hvít marmaraklædd eyja er miðpunktur heimilisins. Hringlaga speglar hafa verið að vekja mikla eftirtekt undanfarið og er farið að vera erfitt að finna heimili sem skartar að minnsta kosti ekki einum slíkum, hér kemur hann vel út yfir eldhús / borðstofuborði en við erum vanari að sjá þá í anddyri og á baðherbergi. Sjáið líka hvað það gerir mikið að hafa svörtu húsgögnin og ljósin til að brjóta aðeins upp á.
Æðisleg útkoman!
Sjá þetta heillandi hverfi – ég varð að leyfa þessari mynd að fylgja með hvar íbúðin er staðsett í Gautaborg.
Myndir via Reveny
Hvít heimili eru klárlega á undanhaldi og tími lita runninn upp – en sitt sýnist hverjum og það eina sem skiptir máli er að okkur líði vel á heimilinu.
Ykkur er velkomið að fylgjast með á instagram @svana.svartahvitu og á Snapchat @svartahvitu
Skrifa Innlegg