SÆNSK & SJARMERANDI

BarnaherbergiHeimili

Það er eitthvað við þessu sænsku heimili sem heillar mig alltaf, þá sérstaklega skrautlistarnir sem skreyta loft og veggi og gera heimilin ó svo sjarmerandi. Hér er á ferð einstaklega glæsilegt heimili sem þið eruð eftir að elska jafn mikið og ég. Stíllinn er fágaður og falleg smáatriði í hverju horni.

Myndir via Entrance

Barnaherbergið er sérstaklega fallegt og bleika hurðin vekur að sjálfsögðu athygli mína, alltof sjaldséð sjón að hurðar séu málaðar. Þegar að því kemur að við kaupum okkar fyrstu íbúð þá mætti hún alveg vera eins og þessi hér að ofan.

SVONA BÝR EINHLEYPUR 3JA BARNA FAÐIR Í STOKKHÓLMI

Heimili

Ég veit að fyrirsögnin er mögulega ekki sú besta… en ég verð alltaf svo glöð þegar ég rekst á falleg heimili þar sem karlmaður hefur haft sem mest að segja um heimilið. Hér býr sænski tískusjarmörinn Daniel Lindström ásamt þremur börnum sínum og hefur hann komið sér vel fyrir í Stokkhólmi með útsýni yfir paradísina Djurgården. Heimilið er málað í hlýjum gráum tón og klassíska hönnun er að finna í hverju horni. Stíllinn er fágaður og það er ekki annað hægt að segja en að herra Daniel sé alveg “meðetta”.

   

Hömmm… fallegur stóll… eða þið vitið

Myndir via Residence

Uppáhalds hluturinn minn á heimilinu er án efa klassíski hjólavagninn / Trolley  eftir Alvar Aalto frá Artek og leðurklædda Sjöan á skrifborðsfótum er síðan alveg einstök. Ég hefði einnig ekkert á móti þessum líflegu svölum!

Hvað er í uppáhaldi hjá ykkur á þessu heimili?

LÉTTUR SUMARSTÍLL Á SVALIRNAR

Fyrir heimilið

Ég er almennt séð jákvæðu megin í lífinu og bíð því ennþá spennt eftir að þessi gula láti sjá sig hjá okkur á höfuðborgarsvæðinu og skoða myndir af fallegum svölum og veröndum í sumarbúning. Læt einnig út skrautpúða á mínar svalir aðeins til þess að það rigni á þá stuttu síðar…. en það er allt í góðu því við hljótum að eiga inni nokkrar svakalega sólríkar vikur. Þessar myndir eru af fallegum útisvæðum með léttu yfirbragði og veitir góðan innblástur fyrir komandi vikur, – úti.

Myndirnar hér að ofan eru af fallegu útisvæði hjá Daniella Witte þeirri sænsku smekkkonu, þið getið fylgst með henni hér.

Seinni myndin kemur frá Ikea Livet Hemma, falleg og notaleg útistofa því á sumrin þá teygir heimilið anga sína alla leið út í garð og stækkar fyrir vikið. Þar getum við átt okkar bestu stundir en þá er líka um að gera að hafa dálítið huggulegt, færa út smá punt, púða og værðarvoð ef skyldi kólna.

Núna er það bara að krossa fingur og tær í von um sólríkar stundir næstu daga! 

Á EFSTU HÆÐ Í HJARTA STOKKHÓLMS

Heimili

Ég verð alltaf jafn glöð þegar mér tekst að finna innlit sem eru ólík þessum hefðbundnari, þar sem húsráðendum hefur tekist að skapa sinn persónulega stíl með fallegu litavali og vel völdum hlutum úr ólíkum áttum. Hér er einmitt þannig heimili, staðsett á efstu hæð í gömlu fjölbýlishúsi sem hefur verið gert upp þó með athygli fyrir arkitektúr og uppruna hússins sem er frá 1935. Ég veit vel að stundum hljóma ég eins og biluð plata, en veitið því athygli hvað gangurinn er fallegur málaður svona bleikur og alveg upp í loft, þó er ég viss um að flestir litir hefðu komið vel út þegar loftið fær að vera með.

Það sem gerir íbúðina helst ólíka öðrum eru allir dökku litirnir sem helst njóta sín í mottum, gardínum, gólfefnum og listaverkjum. Langt frá því að vera hefðbundin skandinavísk íbúð þrátt fyrir það að vera staðsett í hjarta Stokkhólms.

Ég er sérstaklega hrifin af þessari mynd og þá helst af uppstillingunni ofan á arninum þó svo að hann sjálfur sé einnig mjög fallegur. 

Vel vandað litaval þar sem litirnir draga fram það besta úr hinum.

Hlýlegt og notalegt barnaherbergi.

Myndir via Historiska Hem

Ég vil þakka ykkur fyrir ótrúlega jákvæð viðbrögð við færslunni sem ég birti á facebook síðu Svart á hvítu í gær og læt hana fljóta með hér líka.

“Ég las vel tímabæra færslu í kvöld frá bloggkollega mínum í Svíþjóð – Trendenser um það hversu fátítt það er orðið að lesendur skilji eftir spor á bloggsíðum sem þeim líkar við.

Að sitja við tölvuna alla daga ársins í leit að fallegu efni sem veitir innblástur til að deila með lesendum sem sækja til okkar innblástur – án nokkurs gjalds. En gjaldmiðillinn er í raun sá að fá að heyra í lesendum, að það sé skilið eftir spor, smellt á like hnappinn eða á hjartað sem er fyrir neðan hverja færslu.
Ég er með nokkur þúsund lesendur sem lesa SVART Á HVÍTU og ég reyni einnig mitt allra besta að svara hverjum og einum sem sendir mér póst í leit að ráðleggingum en fjöldinn sem smellir á like hnappinn er í engum takti við fjöldan sem les færslurnar mínar
Mér finnst ég því ekki biðja um mikið þegar ég segi ykkur hversu gaman mér finnst að heyra frá ykkur – í alvöru!”

SVALAHUGLEIÐINGAR

Fyrir heimiliðHugmyndir

Á meðan að sonurinn tók lúr úti á svölum í dag fór ég að huga að því hvernig ég get gert þær nokkuð huggulegar í sumar. Ég veit þó ekki hvort ég eigi að kalla þetta svalir þar sem þær eru í raun bara stigapallur þar sem gengið er inn, stærðin er líka mjög lítil svo það er líklegast takmarkað hvað hægt er að gera, og til að toppa það þá þarf líka að vera pláss fyrir vagninn á þeim. Það á þó að vera hægt að gera allt huggulegt svo ég kíkti á uppáhaldssíðuna mína Pinterest og hóf að taka saman hugmyndir að heillandi svölum, görðum og veröndum, og afraksturinn , nýjasta albúmið mitt Outdoor má sjá -hér. 

Þar sem að svalirnar mínar, já köllum þetta bara svalir, eru ekki nema 2,40 x 2,40 þá er ég helst að hugsa um kannski einn bekk með púðum, lítið hliðarborð og svo plöntur, en ég á þegar einn góðan stól við eldhúsborðið mitt sem er líka útistóll svo ég mun draga hann út í góða veðrinu í sumar og spara líka pláss í leiðinni. Svo verður ljósaperuserían sem ég fjallaði um daginn notuð til að setja punktinn yfir i-ið.

Það er auðvitað hægt að finna allt á Pinterest og núna veit ég nokkurn veginn hvað ég er að spá, svo til að drepa enn meiri tíma í dag þá kíkti ég á heimasíðu Ikea til að skoða útihúsgögn, því ég vil heldur ekki að þetta þurfi að kosta mikinn pening.


ikesvalir

 

Þetta er nokkurn vegin pælingin, en mögulega þá myndi ég vilja mála og lakka bekkinn hvítann, en þó ætla ég að sjá til með það. Hliðarborðið er dálítið fínt undir hvítvínið og svo væri næs að hlaða nokkrum púðum og teppum út þegar sólin kíkir í heimsókn. Ég tek það fram að stóllinn + serían eru ekki frá Ikea.

Ég leyfi ykkur að fylgjast með þessum pælingum:)

Screen-Shot-2015-04-23-at-22.38.42