Einn stærsti árlegi viðburðurinn í tískuheiminum er undirfatasýning Victoria’s Secret, en þar koma saman margar af þekktustu fyrirsætum heimsins. Sýningin, sem fór fram í gærkvöldi, vekur athygli ár hvert, ekki einungis fyrir fyrirsæturnar og undirfötin heldur einnig þar sem margir hverjir af stærstu tónlistarmönnum samtímans eru hluti af henni. Að þessu sinni tóku þau Taylor Swift, Ariana Grande, Ed Sheeran og Hozier lagið.
Í sýningunni í ár var mikið um gull, svartar blúndur og að sjálfsögðu vængi af öllum stærðum og gerðum. PINK línan var þar að auki litrík og skemmtileg að vanda. Mér finnst alltaf jafn aðdáunarvert að sjá hvernig hönnuðir Victoria’s Secret gera mikið í kringum nærfötin, þeir leyfa sköpunargleðinni að njóta sín og koma með glæný þemu ár hvert.
Myndir: Vogue & Harpers Bazaar
xx
Andrea Röfn
Skrifa Innlegg