Emmy Awards fóru fram í Nokia Theatre í Los Angeles á mánudagskvöld. Var þetta í 66. skipti sem verðlaunahátíðin fór fram. Stjörnurnar mættu að sjálfsögðu í sínu fínasta pússi eins og venjan er. Mér fannst mikið af mjög hefðbundnum óspennandi kjólum en inn á milli leyndust nokkrar perlur. Mér fannst þessi lúkk flottust..
Taylor Schilling í Zuhair Murad
Taylor er í miklu uppáhaldi hjá mér þessa dagana enda er ég niðursokkin í Orange is the New Black þáttaseríurnar. Hún var tilnefnd fyrir hlutverk sitt sem Piper Chapman. Kjóllinn er guðdómlegur og einn af mínum uppáhalds. Takið líka eftir húðflúrinu, akkúrat á þeim stað sem mig langar í húðflúr.
–
Gwen Stefani í Versace
Einn af mínum uppáhalds kjólum frá kvöldinu er þessi Versace kjóll í 70’s fíling með Swarovski kristöllum. Ég fíla hvað hún er afslöppuð með hárið niðri.
–
Kristen Wiig í Vera Wang
Var tilnefnd fyrir hlutverk sitt í The Spoils of Babylon. Vera Wang fer henni vel, vægast sagt.
–
Sarah Hyland – Christian Siriano
Modern Family leikkonan var í crop top og pilsi sem mér fannst fara henni mjög vel. Pilsið var það mikið í sér að hún þurfti að taka SUV bíl á hátíðina þar sem pilsið komst ekki fyrir í bílnum hennar!
Lizzy Caplan í Donna Karan Atelier
Kjóll sem gæti verið virkilega flottur ef hann væri bara svarti hlutinn en verður aftur á móti ennþá flottari með þessu „extra” hvíta. Lizzy var tilnefnd fyrir hlutverk sitt í þáttunum Masters of Sex.
–
Sofia Vergara í Roberto Cavalli
Hún Sofia/Gloria mín klikkar ekki frekar en fyrri daginn.
–
Julia Roberts – Elie Saab
Kom á óvart í stuttum kjól og að venju skein af henni þokkinn. Julia var tilnefnd fyrir hlutverk sitt í The Normal Heart.
–
Hayden Panettiere í Lorena Sarbu
–
Giuliana Rancic í Gustavo Cadile
Rauður var áberandi á hátíðinni og mér finnst kjóllinn hennar Giuliönu standa upp úr af þeim.
–
Louise Roe í Monique Lhullier
Mér finnst þessi kjóll virkilega fallegur og á sama tíma finnst mér Louise gera hann ennþá fallegri. Ég er ekki viss um að kjóllinn hefði klætt hvaða stjörnu sem er.
–
Yael Stone í Falguni and Shane Peacock
Yael er annað uppáhald úr þáttunum Orange is the New Black. Kjóllinn er skemmtilega öðruvísi og fer henni mjög vel.
–
Kerry Washington í Prada
Kerry er löngu búin að stimpla sig inn sem ein þeirra allra flottustu á rauða dreglinum. Þessi kjóll átti vinninginn að mati margra og ég er sammála, hann er einn af mínum uppáhalds frá kvöldinu. Kerry var tilnefnd fyrir hlutverk sitt í þáttunum Scandal.
–
Robin Wright Penn í Ralph Lauren
T ö f f a r i !! Afhverju að vera í kjól ef maður getur púllað hvíta dragt sem er opin í bakið og sleikt hárið aftur í leiðinni.. Ég bara spyr.
–
Camila Alves McConaughey í Zuhair Murad
Ég held að ég sé með girl crush á Camilu. Hún er stórglæsileg að venju og með hárið niður sem mér finnst alltaf flott.
–
Heidi Klum í Zac Posen
Sólbrún í skærum lit, Heidi er alltaf meðal þeirra flottustu. Hún ásamt Tim Gunn voru tilnefnd sem bestu þáttastjórnendur ársins í Project Runway.
—
Sigurvegarar kvöldsins í kjólavali að mínu mati:
Gwen Stefani
Kerry Washington
Taylor Schilling
Camila Alves McConaughey
Robin Wright Penn
xx
Andrea Röfn
Skrifa Innlegg