Ég á einn frábæran vin sem er mjög klár í að laga og gera upp hjól. Þegar ég hitti hann fyrir rúmu ári síðan var hann á ótrúlega flottu hjóli og ég minntist á hvað mig langaði mikið í hjól. Hann hafði svo samband fyrir stuttu og sagðist vera að gera upp gamalt hjól sem myndi verða mitt!
Ég er himinlifandi með nýja gripinn, litirnir eru sérstaklega fallegir saman og það er gott að hjóla á því.
Þetta er gamalt kvenhjól sem átti að henda. En hann tók það í sundur og lét poly-húða það, lagaði gírana og kom því í gott stand. Svo keypti ég nýjan hnakk og höldur hjá Kría cycles.
Ég er búin að hjóla um allan bæ síðustu daga, og þannig verður það á meðan veður leyfir. Að hjóla er gaman, fínasta líkamsrækt og umhverfisvænt allt á sama tíma.
Næst á dagskrá: kaupa fallegan hjálm og auðvitað hjóla meira
xx
Andrea Röfn
Skrifa Innlegg