Mig langar að mæla með þremur viðburðum sem fara fram næstu daga – ég mæli með því að þið skellið ykkur á einhvern þeirra til dægrastyttingar eða nýtið lærdómspásurnar í eitthvað skemmtilegt og menningarlegt.
This Conversation is Missing a Point
Nýtt dansverk eftir Berglindi Rafnsdóttur og Unni Elísabetu Gunnarsdóttur, sem er gamli ballettkennarinn minn og frábær dansari. Hún var supercool dansarinn í Eyland sýningunni á RFF ef þið munið eftir því! Sýningin verður í Tjarnarbíói þriðjudaginn 17. nóvember – miðasala fer fram HÉR.
Ó hvað ég vildi að ég kæmist!
–
Konubörn
Ef þið hafið ekki séð Konubörn þá grátbið ég ykkur um að fara. Ég hef aldrei tengt jafn mikið við neina leiksýningu en 5 ofurfyndnar upprennandi leikkonur fara yfir það hvernig það er að vera hvorki stelpa né fullorðin kona. Fyndnasta leiksýning sem ég hef séð, alveg 100%. Ef þið farið, viljiði þá fara og knúsa Ebbu Katrínu bestu vinkonu mína sem er ein Konubarnanna og segja henni að ég sakni hennar?
Aðeins tvær sýningar eru eftir, í kvöld og föstudaginn 20. nóvember. Miðasala HÉR.
–
Tískusýning Unglistar 2015
Hin árlega tískusýning Unglistar fer fram á sunnudaginn 15. nóvember í Ráðhúsi Reykjavíkur. Þar sýna nemendur við fataiðnbraut Tækniskólans sköpunarverk sín í samstarfi við hársnyrti- og hönnunarbraut skólans. Sýningin er klukkan 20:00 og aðgangur er frír! Fullkomið að fá sér gott að borða og rölta svo í Ráðhúsið – eða byrja á sýningunni og enda á heitu súkkulaði í bænum. Meira HÉR.
–
Menningar – Andrea mælir svo sannarlega með
xx
Andrea Röfn
Fylgist með mér á instagram @andrearofn
Skrifa Innlegg