Ég er búin að fletta yfir þessar myndir aftur og aftur því ég er gjörsamlega heilluð af þessari íbúð. Það eru ekki bara hlutirnir og stíllinn að þessu sinni heldur er uppsetning íbúðarinnar alveg geggjuð! Hver væri ekki til í að geta tyllt sér í góðu veðri upp á þak?
Gjörsamlega tjúlluð íbúð og fullt af góðum hugmyndum sem vel er hægt að nýta sér. Ég er sérstaklega skotin í eldhúsinu og þessari miklu lofthæð, Icarus ljósið setur svo algjörlega punktinn yfir i-ið en það er eitt af mínum uppáhaldsljósum. Það hefur aldeilis verið nostrað við þessa íbúð, skrifstofuaðstaðan á glergólfinu er æðisleg og eflaust gott að geta tekið pásu frá vinnu af og til og drukkið kaffið sitt í þakglugganum. Demantastóllinn eftir Bertoia situr svo hátt á óskalistanum eins og eflaust hjá einhverjum fleirum ykkar;)
Skrifa Innlegg