Heimilisinnblástur dagsins er þessi glæsilega útsýnisíbúð í Breiðholti sem HAF STUDIO sérhannaði allar innréttingar fyrir. Íbúðin er opin og björt og alveg einstaklega fallegt reykt fiskibeina eikargólfið ásamt sérhannaðri innréttingarlínu úr reyktri eik gefur hlýju og sjarma. Allar innréttingar voru hannaðar af HAF STUDIO og framleiddar af Parka en þaðan er eikargólfið einnig.
Húsgögnin eru sérlega smekkleg en þarna má einnig sjá nýtt sófaborð sem framleitt er af HAF STUDIO með marmaraplötu (Nero marquina flís), Y-stólar Hans Wegner eru klassískir ásamt gordjöss Beni Ourain ullarmottu frá HAF STORE sem hjartað mitt þráir. Glæsilegur leðursófinn er kunnuglegur, en hann höfum við einnig séð á heimili frú Elísabetar Gunnars, hann er frá Norr11. Kíkjum í heimsókn,
// Ljósmyndari Gunnar Sverrisson
// Fylgstu einnig með á Instagram @svana.svartahvitu
Skrifa Innlegg