Ég kíkti nýlega til fallegu borgarinnar Bath sem er í suður Englandi. Borgin sem er á heimsminjaskrá er ein af þeim fallegri sem ég hef heimsótt og þrátt fyrir að þetta hafi aðeins verið dagsferð náði ég að sjá fallegar fornminjar borgarinnar ásamt því að skoða miðbæinn vel. Í borginni voru nefnilega tvær af mínum uppáhaldsverslunum, HAY og Anthropologie og ég tók nokkrar myndir til að deila með ykkur. Ég elska að komast í sérverslanir og að geta séð allt vöruúrval merkjanna eins og t.d. er í tilfellinu með HAY sem ég held mikið upp á.
Hér heima er Epal söluaðili HAY og hjá þeim má sjá brot af öllu vöruúrvalinu en svo er alltaf hægt að sérpanta vörur sem eru ekki til í búðinni. Ég var búin að hafa augastað á stofuborði/kaffiborði í smá tíma og fannst því æðislegt að fá að sjá það með eigin augum áður en ég færi út í það að leggja inn pöntun. Borðið sem um ræðir er þetta litla sexhyrnda úr brassi en ég myndi þá para það saman við annað borð. Verst er þó hvað lagið og efnið í borðinu er einstaklega óbarnvænt. 
Alveg tjúllað borð að mínu mati.
Borðin heita Split table og koma í nokkrum litum og eru til sexhyrnd, ferhyrnd og hringlaga.
Búðin var alveg einstaklega skemmtileg og lífleg sem er reyndar það sem ég myndi einnig segja um vörumerkið sjálft, algjört uppáhalds hjá mér!
Fallegustu herðatré sem ég veit um… hægt og rólega stækkar safnið mitt:)
Ég er mjög hrifin af þessum staflanlegu geymsluboxum og svo standa rúmteppin alltaf fyrir sínu.
Það sem mér þótti gaman að heimsækja þessa verslun og þvílík fegurð þarna inni, verst hvað óskalistinn lengdist um nokkra hluti. Þá er bara spurningin hvað ég eigi að gera varðandi þetta gyllta borð sem mig langar ó svo mikið í, en verandi með einn 7 mánaða gamlann, sófaborð með sex hornum hljómar nefnilega ekki svo barnvænt:)
Eigið góða helgi!
x Svana
Skrifa Innlegg