Haldið þið ekki að elsku Lotta Agaton okkar hafi verið að setja íbúðina sína á sölu! Þetta er auðvitað algjörlega einstakt heimili og ég fæ ekki nóg af því að skoða þessar myndir, þvílík fegurð. Áður hefur birst innlit frá heimilinu hennar í sænska Residence sem ég lét sérstaklega senda mér frá Svíþjóð en þar var ekki sýnt jafn ítarlega frá heimilinu og fasteignarmyndirnar gera núna og því hlakkar smá í okkur innanhússperrunum að fá að sjá inn í alla króka og kima hjá drottningunni sjálfri. En heimilið er óaðfinnanlegt frá a-ö og sérstaklega gaman að fá að sjá líka í unglingaherbergið og baðherbergið. En dembum okkur í innlitið, ég veit að þið fáið heldur aldrei nóg af Lottu okkar…
Ef þið viljið fá fleiri myndir og upplýsingar varðandi þessa geggjuðu íbúð þá smellið þið hér !
Ég er hinsvegar á leið til Kaupmannahafnar í nótt og ætla að kíkja smá yfir til Stokkhólms eftir helgina – kannski ég banki upp á hjá Lottu;) Ég ætla að vera virk á snappinu á þessu ferðalagi mínu og reyni einnig að kíkja aftur hingað inn eftir helgi!
Eigið ljúfa helgi x
Skrifa Innlegg