Þið þurfið að afsaka gæðin á þessum tveimur símamyndum, önnur er tekin á nýja staðnum en hin á gamla. Það tók aldeilis á að flytja komin 6 mánuði á leið og ég er eins og undin tuska þrátt fyrir að hafa fengið að vera mikil súkkulaðikleina í þessum flutningum og mér líður eins og ég þurfi að sofa í heila öld. Enn er þó eftir að setja upp hillur, ljós og myndir en hægt og rólega er að komast mynd á þetta nýja heimili okkar.
Fjölskyldan mín er orðin pro í flutningum en mamma, pabbi, systir mín og mágur eru orðin ómissandi fyrir okkur þegar kemur að flutningum. Þau krossa þó fingur að við ætlum að búa hér í nokkur ár, eflaust farin að verða smá þreytt á þessu endalausa flakki:) Þessi hér að neðan á þó skilið orðu, en hann pabbi hefur tekið það á sig að flytja með mér í öll þau skipti sem ég hef flutt, þar með talið tvisvar sinnum í Hollandi en þá flaug hann sérstaklega út til að aðstoða Svönu sína.
Núna krossa ég fingur að netið fari að detta inn hjá mér og þá sýni ég ykkur restina af “pleisinu”.
Þetta lofar góðu, er það ekki?:)
Skrifa Innlegg