Fagurkerinn og vinkona mín hún Guðrún Andrea hefur sett heimili fjölskyldunnar á sölu og framundan eru svo sannarlega spennandi tímar hjá þeim á nýjum stað. Íbúðin sem um ræðir er staðsett á Línakri í Garðabæ og er ekkert nema gullfalleg og einstaklega notaleg.
“Það eru virkilega blendnar tilfinningar hjá okkur að fara úr þessari dásamlegustu íbúð sem Garðabær hefur upp á að bjóða! Við erum búin að eiga svo yndislega tíma hér enda er íbúðin staðsett á besta stað í Garðabæ og nálægt öllu og öllum! Stutt í allar áttir – bókstaflega.
Hér hafa verið ófá matarboð, afmæli og húllumhæ í Línakrinum góða og munum við svo sannarlega sakna þess að búa hér. Betri staðsetningu er erfitt að finna í Garðabæ, barnvænasta hverfi Garðabæjar og betri nágranna verður aldrei hægt að toppa – ég get sko lofað því!”
Jahá þar hafið þið það – opið hús verður þann 10. nóvember, á fimmtudaginn milli 17:00-17:30. Kíkjum í heimsókn ♡
Smelltu hér til að sjá frekari upplýsingar um íbúðina
Svo krossa ég fingur að fá að fylgjast með næsta ævintýri fjölskyldunnar, en allt sem hún Guðrún Andrea kemur nálægt verður fallegt.
Skrifa Innlegg