fbpx

2 ÁRA AFMÆLIÐ ♡

AfmæliPersónulegt

Í gær héldum við loksins upp á 2 ára afmælið hans Bjarts og buðum fjölskyldunni í kökuboð.

Ég var búin að hugsa um þessa veislu í langan tíma og var með mjög háleit markmið hversu fínt allt ætti að vera, núna er ég enginn reynslubolti í barnaafmælum og er viss um að með tíð og tíma masteri ég veisluundirbúning en ég mun núna útbúa lista með tipsum sem ég mun lesa yfir fyrir 3 ára afmælið, svona do’s and dont’s til að geta lært af mistökum:) Þegar fyrsti gesturinn mætti á svæðið þá var undirrituð á sokkabuxunum ómáluð og enn að skreyta veisluborðið, -það fer klárlega á don’t listann. Ég var búin að pinteresta yfir mig af hugmyndum og upphaflega átti afmælið að vera Mikka Mús þema sem fór síðan útum gluggann þegar ég sá svo sæta rebba-kisu köku sem mig dauðlangaði að gera. Eftir gærdaginn er ég þó búin að ákveða að ég hreinlega get ekki verið góð í öllu haha og ætla hér með að leyfa systur minni að eiga kökudeildina skuldlaust enda snillingur á því sviði. Verst að hún gat ekkert hjálpað mér í gær því hún var að keppa með landsliðinu í endurlífgun – já þú last rétt.

Skreytingarnar pantaði ég mjög tímalega, t.d. risa stóra silfraða blöðru sem var eins og 2 í laginu sem var sprengd í hamaganginum í barnaherberginu þegar rétt korter var liðið af veislunni. Ég þurfti svo að játa mig sigraða þegar ég setti loks á mig maskarann og veislan byrjuð og rétt náði að smella af mynd áður en ráðist yrði á veitingarnar.

Varðandi veitingarnar þá var ég með Mikka mús pizzur, ávaxtaprix, poppkorn og afmælisköku í boði fyrir krakkana. Ávaxtaprikin kláruðust fyrst en það voru einfaldlega melónur í Mikka mús formi ásamt vínberjum en kökuna rétt smökkuðu þau flest. Fleiri ávextir fer á do’s listann fyrir næsta afmæli!

Dagurinn var dásamlegur og Bjartur Elías afmælisstrákur naut sín í botn.

IMG_1626

Þessi er einfaldlega bestur:)

IMG_1631

Þá er það kakan eina sanna og óstraujaði dúkurinn haha

14489716_10155247213618332_1720820810_o

Flöskurnar skreytti ég með Mikka mús miðum sem ég útbjó

14466262_10155247214848332_1917684168_o

Ég tók þessar síðustu tvær myndir í dag rétt áður en afganga afmælispartýið hófst. Núna er mamman því vel þreytt eftir langa helgi en líka ofboðslega þakklát. Ég sýndi eitthvað frá undirbúningnum og veislunni sjálfri á snapchat: svartahvitu

Screen-Shot-2015-04-23-at-22.38.421111

HUGMYNDIR FYRIR BARNAAFMÆLI

Skrifa Innlegg

Hætta við svar

7 Skilaboð

  1. Harpa

    28. September 2016

    Til hamingju með drenginn ! Svo má ég til með að hrósa þér fyrir skemmtilegt blogg :)
    Langar að vita en hvar fékkstu myndina sem sýnir fæðingardag og tíma sem sonur þinn fæddist ?

    • Svart á Hvítu

      28. September 2016

      Hæhæ, ég gerði þetta sjálf:) Getur sent mér póst ef þú hefur áhuga á slíku.
      Mbk.Svana:)

  2. Linnea

    28. September 2016

    Congratulations again with Bjartur <3

  3. Karen Andrea

    28. September 2016

    Æðislegar hugmyndir, elska Mikka mús þemað og útfærsluna :) Til hamingju með afmælisgorminn :)

  4. Bergþóra

    16. October 2016

    Kakan er geðveik! en fékkstu ramman utan um Andy Warhol plaggatið? ég finn hvergi nógu stóran

    • Svart á Hvítu

      17. October 2016

      Takk fyrir það:) Ég fór með plakatið í innrömmun Hafnarfjarðar, kostar sitt en þessi stærð er hreinlega ófáanleg í dag. Var alltaf til áður í Ikea!

      • Bergþóra

        17. October 2016

        Já datt í hug að ég þyrfti að gera það