Þegar hún Svana var í Eindhoven skellti ég mér í bíltúr þangað til að hitta hana. Planið var að kíkja á sýningar enda Dutch Design Week í fullum gangi.
Við byrjuðum reyndar á því að kíkja í fatabúð sem vinkona hennar starfar í. Hún heitir You are Here og býður upp á fullt af flottum merkjum, m.a. Alexander Wang og Kenzo. Ég endaði með flík í poka, Kenzo peysu með útsaumuðu auga sem ég er mikið ánægð með enda búið að langa lengi í Kenzo peysu.
Búðarmaðurinn Ismail sem vildi endilega skella mér í pils við peysuna en við Svana hristum báðar hausinn og sögðum á sama tíma að ég væri ekki alveg sú týpa. Hann er sjálfur í peysu frá Kenzo.
Við kíktum svo að sjálfsögðu á hönnunarsýningar sem voru heldur betur glæsilegar. Það er greinilegt að hér í Hollandi blómstrar hönnunin.
xx
Andrea Röfn
Skrifa Innlegg