Hildur Erla er ljósmyndari sem hefur sérhæft sig í fjölskyldu og brúðkaupsmyndatökum og er hún þekkt fyrir einstakan stíl og hefur hún einnig ótrúlega næmt auga fyrir öllum litlu fallegu hlutunum í daglegu lífi. Ég hef fylgst með henni í nokkur ár á Instagram og er alltaf jafn heilluð af ljósmyndunum hennar og hún ber einnig með sér svo góða nærveru. Gullfallegt heimili hennar og fjölskyldu er núna komið á sölu en um er að ræða stórglæsilega og vel skipulagða 4 herbergja íbúð í Kópavogi. Stílnum á heimilinu mætti lýsa sem notalegum, elegant og ögn látlausum þar sem mjúkir litir setja tóninn og vandaða hluti má finna í hverju horni. Sjáið svo hvað barnaherbergin eru dásamlega falleg og má vel sjá að hér býr fagurkeri.
Kíkjum í heimsókn,
– Smelltu hér til að sjá frekari upplýsingar –
Ljósmyndir : Hildur Erla
– Smelltu hér til að sjá frekari upplýsingar um eignina –
Fyrir áhugasama þá er hægt að fylgjast með Hildi Erlu á Instagram @hildurerla og fyrir þau ykkar í leit að ljósmyndara þá er hægt að skoða dásamlega fallegar ljósmyndir hennar á hildurerla.com ♡
Skrifa Innlegg