Ég hitti hina dásamlegu Þórunni Árnadóttir í dag á Ambiente en hún er að sýna Pyro Pet kertin -eða kisukertin eins og ég kýs að kalla þau. Kertin hafa vakið mikla athygli og á þessum stutta tíma sem ég stóð með henni að spjalla þá komu fjölmargir til að forvitnast og m.a. blaðakona frá Mocoloco vefsíðunni. Þórunn er að sýna á svæði sem kallast Young and trendy í höll 11 (besta höllin), en þar mátti sjá nokkra unga hönnuði sýna verk sín. Hún sýnir einnig Sasa klukkuna sem flestir kannast við ásamt prótótýpum af litlum og sætum fuglakertum sem eru á leið í framleiðslu og voru frumsýnd á Ambiente!
Hér að neðan má sjá fuglana, símamyndavélin var þó eitthvað að stríða mér, -betri mynd þegar ég næ að tæma myndavélina.
Þórunn sagði mér að hugmyndin væri sú að það kæmi sítrónulykt af fuglinum sem fælir moskítóflugur í burtu, því væri tilvalið að hafa nokkur fuglakerti í garðpartýinu, -þvílík snilld!
Það styttist í að kisukertin komi í sölu, en þau verða seld í Spark design space á Hönnunarmars.
Og svo dugar ekkert minna en heimsyfirráð með þessi sætu kisukerti!
Skrifa Innlegg