Í dag kl.17:00 verður kynning á KEX hostel á nýju vefversluninni Petit.is sem opnar á morgun. Á vefversluninni verður hægt að versla ýmis skandinavísk merki, þá sérstaklega vönduð og falleg barnaföt en einnig fallega hluti fyrir heimilið eða í barnaherbergið. Eigandinn Linnea Ahle er nefnilega sænsk en er búsett á Íslandi ásamt kærasta sínum og dóttur þeirra Þóru. Eftir að hún átti dóttur sína þá sá hún að úrvalið í verslunum hér heima var ekki það sem hún var að leita að og ákvað því að opna bara sína eigin verslun! Ég kynntist Linneu nýlega og finnst alveg aðdáunarvert að hún hafi einfaldlega skellt sér í rekstur sjálf til að ná hingað heim vörunum sem henni líkar svo vel við.. og hún er svo sannarlega smekkkona:) 
Hér má sjá brot af vörunum sem verða til sölu á Petit.is, falleg rúmföt, púðar, plaköt og aðrir skrautmunir.
Fallegt plakat frá Mini Empire.
Svo eru barnafötin líka alveg æðisleg!
Ég hvet áhugasama til að kíkja við á KEX hostel á eftir og kynna ykkur vöruúrvalið, í dag verður einnig hægt að kaupa vörur á staðnum með góðum opnunarafslætti!
Skrifa Innlegg