Í tilefni af þessu sólarveðri sem við höfum fengið síðustu daga tók ég saman nokkur heimili sem eiga það sameiginlegt að vera nokkuð litrík:) Ég veit ekki með ykkur en ég fer í örlítið litríkara skap í svona veðri, það mætti halda að það létti af manni nokkrum kílóum bara með því að fá nokkra sólargeisla á andlitið.
Núna er algjörlega tíminn til að draga fram nokkra litríka hluti, það léttir nefnilega heilmikið líka á heimilinu á fá smá litagleði. Einn og einn hlutur í lit, teppi, blómavasi, kerti eða púði. Það þarf í rauninni ekkert mikið meira en það, sumir ganga þó enn lengra og lakka gólfið í lit eða mála veggi, það gengur líka upp. Ég er þó alltaf hrifnust af því að halda grunninum hlutlausum og þá er hægt að leika sér að vild með húsgögn og hluti án þess að það verði yfirþyrmandi.
♡
Eins og þið sjáið þá ætti ekki að vera of mikið mál að gleðja heimilið sitt og sig í leiðinni! Þetta er bara allt spurning um hugmyndaflugið!
Ég veit annars ekki hvað ég get sagt varðandi þennan bleika lit sem ég er endalaust að troða upp á ykkur, en miðað við þessi heimili þá er ég allavega ekki ein;)
Skrifa Innlegg