Mig langar til að sýna ykkur nýlegt verkefni lokaársnema í vöruhönnun við Listaháskóla Íslands. Þennan áfanga tók ég fyrir tveimur árum síðan með gjörólíka útkomu, en ég er alveg einstaklega hrifin af þessum verkum.
“Rendez-wood? er sýning á röð verka ásamt kynningarefni í bæði vídeó- og myndformi eftir þriðja árs nema í vöruhönnun við Listaháskóla Íslands. Verkefnin eru öll innblásin af íslenskri náttúru og eiga það sameiginlegt að vinna með low-tech og primitivísk konsept þar sem einblínt er á þörf nútímamannsins til þess að tengjast náttúrunni enn á ný.
Verkefnið á uppruna sinn í vinnustofuna Stefnumót hönnuða við skógarbændur sem haldin var fyrr á þessari önn. Ísland var skóglaust land í margar aldir eftir að kjarr og birkiskógar eyddust af völdum landnámsmanna. Nú í dag er skógrækt þó loksins komin vel á veg og fleiri tré eru gróðursett á ári miðað við höfðatölu þjóðar, en á nokkrum öðrum stað í heiminum. Spáð er að á komandi áratugum muni Ísland öðlast sjálfbærni í viðarframleiðslu og er því brýnt að hefja rannsókn á staðbundnum við og möguleikunum á notkun hans í hönnun.”
SPIL: Lowtech playful accessories eftir Ágústu Sveinsdóttur
Hægt að sjá video HÉR
BURN BOWL: Primitive outdoor cooking experience eftir Önnu Guðmundsdóttur
Hægt að sjá video HÉR
GONE BAKING: Hot spring baking experience eftir Björk Gunnbjörnsdóttur
Hægt að sjá video HÉR
VERY LIGHT: For a world in need of sustainable energy eftir Búa Bjarmar Aðalsteinsson
Hægt að sjá video HÉR
INFUSE: Container for a refreshing experience eftir Katrínu Magnúsdóttur
Hægt að sjá video HÉR
SEAWEED: A connection between two worlds eftir Sigurjón Axelsson
Hægt að sjá video HÉR
STICK AROUND: Walking stick as a body rest eftir Thelmu Hrund Benediktsdóttur
Hægt að sjá video HÉR
Hér má einnig sjá sameiginlegt video nemendanna um verkefnið.
Ótrúlega falleg verkefni og vel útfærð verð ég að segja, það er ekki furða að virt hönnunarvefsíða eins og Frame Magazine hafi fjallað um verkefnið fyrr í kvöld. Sem fyrrverandi nemandi skólans get ég ekki annað en verið spennt fyrir næstu útskriftarsýningu skólans, þessir nemendur virðast hafa hækkað standardinn.
Ég mæli með að horfa á videoin sem ég læt fylgja með, þau útskýra verkefnin mjög vel:)
Skrifa Innlegg