Hér er eitt stykki draumainstagram og þvílík smekkdama sem þarna býr sem er þess virði að fylgjast með! Eins skemmtilegt og mér finnst að hanga á instagram þá er ég einn slakasti instagrammari sem hægt er að finna… ég ætla alltaf að bæta mig en svo verð ég alltaf hálf spéhrædd þegar kemur að því að birta myndir héðan heima. Skil ekki í mér þessa vitleysu:)
En aftur að þessari smekkdömu, hún heitir Pernille og er dönsk tveggja barna móðir sem segist elska HAY, Royal Copenhagen og Kubus. Það fer ekki á milli mála hvaða hluti hún heldur mest uppá en hún á óþarflega marga HAY Dot púða (6-9 stk), þrjár Kubus skálar og 11 Muuto hanka:) Já þessi smekkdama á greinilega erfitt með að hemja sig þegar kemur að fallegum hlutum eins og svo mörg okkar haha.
Hægt er að fylgja henni á instagram @krea_pernille
Heimilið hennar er algjör draumur í dós og himnaríki fyrir dömur eins og mig sem eru frekar mikið heitar fyrir bleikum lit. Rúmteppið sem er frá Ferm living er líka komið á óskalistann eftir að hafa séð þessar myndir, mig vantar einmitt rúmteppi þó að ég efist um að ég nenni að búa oft um rúmið.
Lumið þið á flottum instagram síðum sem þið nennið að benda mér á?
Svo fer ég víst að renna út á tíma að taka myndirnar hér heima sem ég var búin að lofa, ég held ég þurfi bara að drífa þetta af eins og að rífa plástur af sári:)
Skrifa Innlegg