Ég eignaðist þetta fallega 2013 rif-dagatal í dag og var ekki lengi að finna stað fyrir það í stofunni áðan:) Það er eftir Snæfríð Þorsteins og Hildigunni Gunnars og það fæst í SPARK design space á Klapparstíg / Hafnarborg.
Ég átti líka 2012 útgáfu þess, en þær hanna það árlega.. í fyrra var það svart en í ár fölbleikt og fagurt.
Það er reyndar ýmislegt á þessum myndum sem ég hef ætlað að sýna ykkur í smá tíma…
-Byrjum á lundanum sem er fyrsti fuglinn sem ég stoppaði upp og ég er mjög stolt af, eins túristalegur hann er þá mun hann alltaf eiga sinn stað á heimilinu mínu:) Vaninn er þó hjá uppstoppurum að mála gogginn og lappirnar því að með tímanum fölnar liturinn, en ég er bara eftir að gera það við minn.
En númer 2 er skenkurinn sem hann Andrés minn smíðaði handa mér og er hinn fullkomni skenkur að mínu mati.
Á myndinni glittir reyndar líka í dásamlega svart hvíta teppið mitt sem ég fékk í Ikea um daginn og heitir það Eivör!
:)
Skrifa Innlegg