Ég trúi því varla að það sé komin helgi aftur, stutt vika að baki en góð helgi framundan! Ég ætla að eyða minni uppi í bústað með frábæru vinkonu mínum + mökum + krakkagormum. Ég er þó orðin mjög spennt fyrir næstu viku, á þriðjudaginn er jú 17.júní eins og þið flest vitið, og í fyrsta sinn hafði ég hugsað mér að taka þátt í Austurgötuhátíðinni sem haldin er núna árlega í Hafnarfirðinum. Flestir íbúar götunnar taka þátt á einn eða annan hátt, sumir selja heimabakstur, handverk, skran og annað skemmtilegt. Ég hafði hugsað mér að renna aðeins í gegnum nokkra kassa úti í skúr og finna til sitthvað til að selja á spottprís! Meira um það eftir helgi:)
Hér er eitt gullfallegt sænskt heimili til að veita ykkur innblástur yfir helgina… það veitir mér allavega svo sannarlega innblástur! 
Hvítu veggirnir, svörtu gólfin, muuto viðarhankarnir og plakataveggurinn í eldhúsinu, bjútífúl!
En yfir í annað! Þið ykkar sem ætlið að eyða helginni í bænum! Þá er alveg möst að kíkja á þennan flotta Pop up markað sem haldinn verður á morgun á KEX Hostel:)
Miklar smekkdömur sem standa að markaðnum og vel hægt að gera góð kaup af hlutum fyrir heimilið, barnavörum og snyrtivörum!
Eigið góða helgi:)
Skrifa Innlegg