Ég er flutt hingað inn í huganum♡ Þetta er akkúrat innlitið sem ég þurfti að sjá til að fá smá innblástur fyrir heimilið mitt, svo sumarlegt og fallegt. Þessi íbúð er stíliseruð af Alvhem fasteignasölunni en það sem er svo áhugavert við þau er að samhliða fasteignabransanum reka þau hönnunarverslun þar sem hægt er að kaupa flestar vörurnar sem þau nota til stíliseringar. Sniðug viðskiptahugmynd! Ég dey samt smá við tilhugsunina að flytja í hverri einustu viku svo þetta jobb gæti ég aldrei unnið við. Það er þó gaman að fylgjast stundum með framkvæmdunum á heimasíðunni þeirra, en sumar íbúðirnar eru teknar í nefið fyrir myndatöku -málað, veggfóðrað, múrað og skipt um krana svo eitthvað sé nefnt, s.s. þetta sem við hin nennum að gera á þriggja ára fresti;)
Svart hvíti stíllinn er ríkjandi á þessu heimili en með þessum gylltu (brass) detailum og öllum plöntunum þá er þetta alveg fullkomið heimili og svo fallegt fyrir augað líka.
Ég klippti nokkur villt blóm úti í garði í vikunni og setti í vasa og mikið sem það lífgar heimilið við, mæli með því!
Þvílíkur draumur, hver væri ekki til í að búa þarna:)
Skrifa Innlegg