Stílistinn og bloggarinn Holly hjá Avenue lifestyle.com birti nýlega myndir af ótrúlega glæsilegu svefnherbergi sínu sem hún tók í gegn fyrr í vor. Þetta er eitt fallegasta svefnherbergi sem ég hef séð og ég fæ hreinlega ekki nóg af því að fletta í gegnum myndirnar, og ekki eru þær fáar. Á bloggsíðu sinni sýnir hún einnig fyrir myndir af herberginu sem er gaman að sjá, ég læt það þó vera að birta þær líka hér svo að þessar fallegu myndir njóti sín sem best.
Litapallettan er í fallegum neutral litum og það er viss ró yfir herberginu, ég þori að veðja að þarna sofi maður vel. Ég fæ mjög margar hugmyndir frá þessum myndum hvernig ég get bætt okkar svefnherbergi, vonandi gefa þær líka ykkur innblástur.
Herbergið var allt málað hvítt ásamt því að nýtt gólfefni var lagt en áður var brúnn vínildúkur á gólfinu, -og veggir fjólubláir og bláir!
Það er eitthvað svo heillandi við að hafa nokkrar raðir af púðum á rúminu, eflaust ekki fyrir þá sem leiðast að búa um rúmið:)
Það kemur mjög vel út að hafa ólík náttborð sitthvorum megin, það er algjör vitleysa að þau þurfi endilega að vera í stíl, þetta gefur herberginu bara karakter.
Opin fatahengi með léttum hillum fyrir ofan kemur vel út, en þá er nauðsynlegt að halda sig innan litapallettunnar og velja herðatré og fataslá í ljósum eða hvítum lit til að falla sem mest inn í.
Antík viðarskápur sem skipt var um höldur á og settar einfaldar höldur úr leðri, hægt að sjá -hér hvernig það er gert.
Planta kemur með smá líf og lit í herbergið, ég mæli með því að hafa eina plöntu eða pottablóm í svefnherberginu.
Ljóst og fallegt og ferskt.
Þvílíkt draumaherbergi, hvernig finnst ykkur það?
♡
Skrifa Innlegg