Ég eignaðist loksins langþráða Dymo merkingarvél um daginn en hana pantaði ég af Amazon og lét senda til vinkonu minnar í Cardiff. Ég keypti mér þessa hér, fyrir áhugasama en hún kostaði bara 1.400 kr. Ég var ekki lengi að merkja nokkrar krúsir í eldhúshorninu mínu en í þeim eru rúsínur, kókosflögur og chia fræ.
Glerboxin sem ég merkti eru Iittala og fengust í Epal á sínum tíma, hef þó ekki séð þau lengi en ég væri gjarnan til í að bæta tveimur hvítum við. Koparkrúsin er úr Snúrunni en í henni geymi ég saltflögur, marmarabakkinn er einnig þaðan en marmarastandurinn er úr Góða Hirðinum. Þetta eru flest allt gamlir hlutir en ég er venjulega spurð í athugasemdum hvaðan hlutirnir eru svo núna er bara allt komið á hreint:)
Núna þarf ég að finna mér fleiri hluti til að merkja, ég er alveg hrikalega skotin í þessari vél:)
x Svana
Svart á hvítu á Facebook – HÉR
Skrifa Innlegg