BRJÓSTBIRTA TIL STYRKTAR GÖNGUM SAMAN

Íslensk hönnun

Í dag á sjálfum Kvennafrídeginum er viðeigandi að fagna nýju ilmerti, Brjóstbirtu sem var sérstaklega hannað af URÐ fyrir Göngum saman. Ilmurinn er ferskur, hreinn, kvenlegur, upplífgandi og veitir innblástur.

“Nafnið Brjóstbirta varð fyrir valinu því okkur finnst það svo fallegt og minnir á tilgang Göngum saman. Félagið safnar fé til rannsókna sem auka skilning okkar á uppruna og eðli krabbameins í brjóstum. Tilgangurinn er göfugur og bjartur.” Toppnótur Brjóstbirtu samanstenda af plómum og greipávexti. Hjartað samanstendur af sedrusviði og hvítum blómum. Grunnurinn samanstendur af sandalvið, vanillu og moskus. 

Listakonan Linda Jóhannsdóttir sem starfar undir nafninu Pastelpaper vatnslitaði fallega brjóstmynd sem prýðir hvert glas. Brjóstamyndirnar hennar eru hluti af nýrri línu sem heitir einfaldlega Brjóst og rennur ágóði af sölu þeirra til Göngum Saman. Myndirnar eru unnar í blandaðri tækni þar sem meðal annars er unnið með vatnsliti, artliner og pastel. Síðast en ekki síst sá André Visage, hönnuður hjá Wolftown, um uppsetningu og umbrot.

Í dag á milli kl. 16- 18 verður Brjóstbirtu fagnað hjá Hlín Reykdal, Fiskislóð 75. 
Allir velkomnir & léttar veitingar í boði! 

 // Fylgstu einnig með á Instagram @svana.svartahvitu 

ÆVINTÝRALEGA FALLEGT & ÍBURÐARMIKIÐ HEIMILI

Skrifa Innlegg