Ókrýnd skreytingardrottning Íslands, Þórunn Högna hélt baby shower fyrir tengdadóttur sína, Magneu Rún um helgina og var þá öllu tjaldað til. Ég stóðst ekki mátið að sýna ykkur myndir frá veislunni sem er afar glæsileg og er hver krókur og kimi fallega skreyttur. Ég hef áður sýnt ykkur myndir frá skreytingum eftir Þórunni Högna -sjá hér- og hafa færslurnar fengið svo ótrúleg viðbrögð að þið eruð líka eftir að elska þessar myndir. Þórunn er annáluð smekkkona og er veislan því að sjálfsögðu afar smart, með litaþema í veitingum og skreytingum, gjafaborð og sónarmyndir ásamt bumbumyndum eru hengdar á greinar. Alveg dásamlegt! Heppin tengdadóttir hér á ferð:)
Þetta veisluborð er svo æðislegt!
Aðspurð hvort hún hafi fengið aðstoð með skreytingarnar segist hún hafa skreytt allt sjálf, henni þyki þetta einfaldlega “of gaman”:)
Ljósaboxið frá Petit er svo skemmtileg skreyting
Falleg hugmynd að hengja upp nokkrar bumbu og sónarmyndir og gerir skreytingarnar mjög persónulegar
Hvaðan koma skreytingarnar? Ég föndraði eitthvað sjálf eins og hengið á bakvið borðið og síðan skreytti ég litlu flöskurnar með pelum og litlum tásu límmiðum sem Bros græjaði fyrir mig. Á greinina lét ég prenta svart hvítar litlar myndir í Pixel og hengdi þær á með borða og skreytti með litlum pela, annað skraut fékk ég í Söstrene, Allt í köku, og svo pantaði ég BOY blöðrurnar, pappadiskana, glösin og hengið frá Etsy.
Finnst þér baby shower búið að festa sig í sessi hér á Íslandi? Já algjörlega, maður er alltaf að heyra meira og meira um að þau séu haldin hér, en kannski meira hjá yngri konum!
Hvað með þau okkar sem hafa ekki þessi “skreytingargen” í sér en vilja halda fallega veislu, hvaða ráð áttu handa þeim? Ég mæli með að byrja á því að skoða Instagram og Pinterest, þar eru ótrúlega mikið af flottum hugmyndum fyrir allskonar veislur. Einnig að finna sér eitthvað litaþema og vinna út frá því. Síðan finnst mér Etsy netverslunin algjör snilld, þar er hægt að fá allt fyrir veisluna í hvaða þema sem er meðal annars diska og glös með nafni, servíettur og margt fleira. Ég mæli einnig með að fá aðstoð eða ráð við að skreyta hjá fagfólki.
Takk fyrir okkur Þórunn, þvílík dásemdarveisla sem þú hélst fyrir tengdadótturina.
Ég vona að þessar hugmyndir komi ykkur að góðum notum. Þó svo að baby shower sé ekki endilega fyrir allar þá get ég sagt fyrir mína parta að það er ekkert nema dásamlegt að vinkonurnar taki sig saman og haldi eina veislu til heiðurs þeirri óléttu og eigi saman skemmtilega stund. Mæli svo sannarlega með x
Skrifa Innlegg