Kaupmannahöfn á alltaf sérstakan stað í mínu hjarta og ég tel niður dagana þangað til að ég kíki í stutta heimsókn í febrúar. Bara það að fá að rölta niður (já niður) Strikið, kíkja á kaffihús og í nokkrar vel valdar verslanir fær mig til að hlakka til á hverjum degi þegar ég vakna. Ég var einmitt í dag að byrja að huga að örlitlu skipulagi fyrir þetta ferðalag mitt og þá einmitt rekst ég á þessa líka fallegu íbúð í Kaupmannahöfn! Hér býr engin önnur en Pernille Teisbæk tískuskvísa með meiru og kemur alls ekki á óvart hversu einstaklega fallegt heimili hún á. Alvöru fagurkeri hér á ferð!
Myndir: Ditte Isager fyrir Harpers Bazaar // Sjá viðtalið í heild sinni hér.
Ég bjó í eitt sumar í Kaupmannahöfn þegar ég var yngri og vann í Tívolí á daginn – ég lifi ennþá á minningunni að Kaupmannahöfn sé best í heimi. Hvaða verslanir eða veitingarstaðir eru “möst see” í stuttu stoppi til Kóngsins Köben? Væri mjög gaman að heyra!
Skrifa Innlegg