Ef að allar þessar myndir hér að neðan myndu sameina eitt og sama heimilið þá væri það fullkomið! Hinsvegar er þetta aðeins myndamix vikunnar hjá mér af Pinterest síðunni minni og það er vel hægt að leyfa sér að dagdreyma yfir þessum myndum. Það sem þær eiga flestar sameiginlegt er hvað það er létt yfir þeim t.d. blóm í vasa og mikil dagsbirta. Svona myndamix gerir mikið fyrir mig sjálfa, ég hef gaman af því að rýna í hverja og eina mynd og spá í smáatriðunum, efniviðurinn, hlutirnir og hvernig þeim er raðað saman, hvað ég hefði gert öðruvísi og annað slíkt. Veit ekki með ykkur en svona stakar myndir þó svo að þær séu ekki frá sama heimili gefa mér oft bestu hugmyndirnar fyrir heimilið, kíkjum á þennan innblástur svona fyrir helgina.
Það er eitthvað við þessa stofu sem dregur mig inn, feiknastórir gluggarnir, hlutirnir og plantan á kollinum -æði.
Fallega búið um rúm –
Lítið og einfalt baðherbergi –
Smá sveitasjarmi yfir þessu fallega eldhúsi –
Æðisleg lofthæðin og risastórir gluggar á þessu baðherbergi –
Speglar stækka rýmin, um að gera að nota þá meira –
Ég fæ aldrei leið af mixi af ólíkum stólum við borð, tilvalið fyrir safnarann –
Eins ónotalegt það er að kúra við leðurpúða þá eru þeir hrikalega töff –
Hrátt en rómantískt svefnherbergi, sérstaklega falleg uppröðun á náttborðinu –
Pínulítið baðherbergi undir súð, mjög smekkleg útfærsla og fallegt að hafa handklæðin svona upprúlluð –
Ég elska heimili sem eru með nóg af hlutum uppivið til að skoða, þetta er eitt af þeim –
Plöntur lífga hvaða rými við –
Eldhúshilla sem er mér að skapi, finnst best að hafa allt uppivið og með dass af skrauti –
Töff anddyri með Muuto Dots hönkum –
Nýtt og gamalt í góðu mixi, heimili með mikinn sjarma –
Þetta og mikið meira á Pinterest síðunni minni sem ykkur er velkomið að fylgja þó svo að ég birti mikið af myndunum hér á blogginu líka. Eigið góða helgi framundan og munið að kjósa á morgun, alveg sama hver verður fyrir valinu, bara að þið notið kosningarréttinn ykkar -það er mikilvægast:)
Skrifa Innlegg