Trendnet

Við hjónin vorum ægilega glöð þegar við tímdum að kaupa okkur Tivoli útvarp í eldhúsið, það kostaði heilan helling, fannst okkur! Eftir nokkur ár var það ónýtt. Sambandsleysi í tökkunum, datt út og var með alls konar leiðindi. Dæmt óviðgerðarhæft. Því var hent! Ég mun aldrei kaupa svona útvarp aftur.

Mér finnst þetta stórmerkilegt – við höfum alltaf verið alsæl með okkar, það er nánast oftast stillt á Létt (sá að þú skrifaðir að þú náðir henni ekki Svana) og frábær hljómar, bæði á útvarp og þegar Ipod er tengdur við. Það er staðsett í eldhúsinu, en ég set það stundum út um gluggann á sumrin og hlusta þegar við erum í garðinum eða á pallinum og allt í gúddí. En það er USA útvarp – keypt í Ameríkunni.

Ég er algjörlega sammála. Við eigum líka svona fallegt eldhús útvarp, en það er eiginlega bara notað fyrir hundinn þegar hún er ein heima því ég meika ekki skruðninginn. Það er eins og þetta sé eitthvað vesen í tökkunum, því skruðningurinn minnkar ef ég fikta í volume takkanum miklu frekar en þeim sem stillir rásina. Svo er ennþá meiri skruðningur ef ég set símann eða ipod í samband. Ótrúlega leiðinlegt því þetta er fallegt útvarp og ekki var það ódýrt…

Ég á Tívolí útvarp og er mjög ánægð með hljómgæðin, hef samt lent í því að sándið detti út þegar ég blasta músík. Það er nauðsynlegt að vera með loftnet ef maður ætlar að ná öllum útvarpsstöðvum og það er hægt að kaupa lítið tengi í það

Ég á svona útvarp sem ég eignaðist fyrir þó nokkuð mörgum árum. Það var lengi vel í kassanum eða þangað til ég flutti að heiman. Það hefur verið kveikt á því nánast upp á dag síðan ég stakk því í samband fyrst og ég hef alltaf verið mjög ánægð með það. Ég hlusta aðalega á rás 1 eða rás 2 sem eru náttúrlega með sterkustu útsendingarnar svo ég lendi sjaldan í því að ná ekki stöðvum en ef ég lendi í vandræðum prófa ég oft að skipta úr utanáliggjandi loftneti yfir í innbyggða eða öfugt og þá næ ég sambandi. Sambandið gæti líka verið lélegt akkurat þar sem þú hefur haft útvaripið, það fer mjög mikið eftir staðsetningu hvernig sendingarnar nást.
Hljómurinn er náttúrlega ekkert á víð alvöru hljómflutningsgræjur sem ég er líka með, en miðað við stærð tækisins þá er þetta góður hljómur. Ég tengi mjög oft i-podinn minn við tækið og hlusta á meðan ég tek til eða stússast í eldhúsinu. Kanski fer þetta eftir því hvenar tækið var keypt, mitt var keypt í kring um 2006 ef ég man rétt.

Ég á Model one og model two, þau eru bæði mjög léleg.

Á tvö Tivoli eldri gerđin betri. Nýja tækiđ
sem er međ cd takkanum ekki eins gott
en falleg eru þau, hljòmurinn gòđur.

Ég á svona tæki, ég næ engum stöðvum, jú stundum einmitt K100 og einstöku sinnum Bylgjunni. En mér finnst hljómgæðin vera mjög góð og nota það mikið til þess að spila af Ipod eða símanum mínum!

Fyrsta lagi, afhverju vissi ég EKKI af þessari grúbbu. Geng beint í það mál.

Öðru lagi, þá held ég að þetta sé kannski einhver birtingarmynd um blæti, Tivoli útvörpin eru jú dýr, fræg hönnun og veita eigandanum ákveðna staðalímynd. Ekki bara útvarp með notagildi heldur sko Tivoli útvarp með fegurðargildi í þokkabót.

Hún móðir mín splæsti í eitt fyrir ekki svo löngu og er mjög ánægð með það. Hún notar það til að hlusta á tónlist – þ.e. tengist í gegnum bluetooth og spilar í gegnum spotify. Rosa sniðugt.

Við erum með SongBook Tivoli útvarp heima, það er eitt af ljótari útvörpum frá þeim en virkar mjög vel!

Mitt Tivoli er líka svona, það eru oft skruðningar, sérstaklega ef maður er staðsettur rétt hjá því (sem er pirrandi því það er við matarborðið og ég gefst upp á fréttunum þegar Útvarp Saga fer allt í einu að hljóma með….) og það þarf oft að snúa loftneti og skífunni fram og aftur til að finna gott merki.

En mér finnst hljómurinn úr því mjög fínn, og útvarpið lítur fallega út :)

Einmitt…ég hef verið frekar miður mín yfir þessu lengi og glöð að heyra (lesa) að það er ekki bara ég. Ég hef slæma reynslu af Tívolí því miður. Erfitt að ná útvarpsstöðvum. Skruðningar við minnstu truflun og mjög lélegt hljóð þegar það er tengt til þess að spila tónlist úr TD Ipad, Iphone eða eh slíku.

Það er eins og Svana sé að lýsa tækinu mínu, er sem sagt ekki nógu ánægð með það :/

Mitt er einmitt mjög leiðinlegt. Það er mjög erfitt að ná inn stöðvunum og þegar ég næ að stilla það þannig að stöðin næst án skruðninga og snerti ekki við takkanum þá byrja að koma skruðningar eftir nokkra daga, þá þarf ég að stilla það aftur! Það er eins og takkinn færist af sjálfu sér. Svo pirrandi.

Annars finnst mér hljómgæðin framúrskarandi miðað við einn hátalara en það er erfitt að ná inn rásunum góðum.

Ég á Tivoli útvarp, gæti ekki verið ánægðari með það , búin að eiga það í að verða 9 ár aldrei neitt vesen.
Er með snúru til að tenga í símann,og ipod er með útvarpið í eldhúsinu og mér finnst þetta útvarp betra en útvarpið í græjunum istofunni.

Ég er reyndar ósammála um að hljómurinn sé lélegur, ég er með model 2 og líka geislaspilarann og hljómurinn er mjög góður miðað við svona litla græju.
En að reyna að ná hreinni útvarpssendingu er bara ekki að ganga upp, er búin að vera með útvarpið á 4 mismunandi stöðum í íbúðinni og það er alltaf eins, fullt af skruðningum.
Um daginn fann ég fína sendingu á FM-X klassík, um leið og ég gekk í burtu frá tækinu þá hoppaði útsendingin yfir á gufuna.

Ég á svona tæki, hef búið á mörgum stöðum og hefur það aldrei ná neinni stöð vel, maður stillir það, labbar frá og þá koma bara skruðningar, ömurlegt. En ef ég sting ipod í það þá er mjög flottur hljómur. En ég keypti þetta til að hlusta á útvarpið í eldhúsinu og hefur það aldrei gengið, hef oft hugsað um að fara og kvarta en ekki komið mér í það, enda útvarpið örugglega löngu dottið úr ábyrgð.

Ég fékk eitt í jólagjöf frá vinnunni 2007 og við notum það ennþá og mjög gott sound í því og við erum með svona digital stöðvarás og nö öllum rásunum

Vandræði með mitt Tivoli og hefur alltaf verið. Hef verið með það á þremur mismunandi stöðum. Skruðningar, erfitt að ná rásum og ef nást ágæt gæði detta þau yfirleitt út eftir ca. klst. :( En fallegt er það :)

Mitt er keypt á Íslandi 2006 og er audioONE. Það hefur ALDREI virkað almennilega, útvarpið er ógeðslega lélegt og ég sármóðguð! Ég fór með það í umboðið 2008 því ég trúði þessu ekki en fékk það til baka með upplýsingarnar um að ekkert væri að. Ég prófaði síðar annað loftnet en enginn munur.

Tækið mitt hefur flutt með mér ansi oft og meira að segja til útlanda en hefur aldrei virkað að viti. Í dag er það skraut í eldhúsinu, ekki einu sinni í sambandi!

Foreldrar mínir eiga svo Pal sem virkar mjög vel, búin að eiga það lengur en ég mitt og aldrei verið vandamál. Amma mín á líka þannig og sömu sögu er að segja þar. Tengdó eiga svo audioTWO og eftir því sem ég best veit virkar það líka fínt.

Mín niðurstaða er sú að modelOne sé drasl! Jú hljómurinn fínn með aux en nær aldrei tæru við útvarpið.

Hæ :-) Við er búin að eiga okkar síðan 2009 og var það mjög gott fyrst en svo náði ég engri rás án mikilla skruðninga þrátt fyrir að hafa búið á þremur stöðum……..

En hlustið nú! Maðurinn minn fann ráð á netinu sem svínvirkar! Leggið útvarpið á bakið og snúið takkanum (sem þið stillið rásirnar með) rösklega í hringi í 3 mínútur kveikið svo á því og útvarpið er komið í lag!

Keypti tvö um árið i epal og hef aldrei lent i neinu með min. Frabær hljómur og næ öllum stöðvum a það og kannski að benta a það að það er hægt að stilla það bakvið hvort þu viljir nota innra eða ytra loftnetið en ef þu kýst ytra þa þarftu loftnetið sem fylgdi með tækinu.