Enn eina ferðina er ég komin með neon ljós á heilann. Þetta er eitt það flottasta sem ég veit um og ég mun einn daginn eignast svona fallegt veggljós, þau eru reyndar frekar dýr og enn sem komið er hef ég ekki fundið ljós sem fer undir 50 þúsund krónurnar, en ég er enn að leita. Ég átti fallegan “love” neon lampa sem brotnaði fyrir nokkrum árum, ég er ennþá að syrgja hann því það er ekkert grín að komast yfir svona ljós.
Svona neon ljós eins og myndin hér að ofan sýnir fæst t.d. hér og hér, þá þarf að kaupa hvern staf fyrir sig + tenglana, en þá er reyndar hægt að velja hvaða orð sem er eða nafn. Verðið er samt alltaf 50+ ef þú vilt fleiri en 4 stafi.
Ef þú veist um fleiri síður máttu endilega deila þeim með mér, og ég efast ekki um að það séu fleiri þarna úti sem væru til í eitt flott neon skilti á heimilið!
Skrifa Innlegg