Margir nota helgarnar sínar í tiltekt og annað stúss heimavið, sérstaklega í svona grámyglulegu veðri eins og er í dag. Það er eitthvað sem ég ætla mér að gera þegar ég er búin í vinnunni eftir 22 mínútur akkúrat:)
Ég las áhugaverða athugasemd við hillu færsluna hér að neðan frá Valdísi, en þar segir hún “Ég hef fáa hluti í hillunum mínum og skipti svo reglulega út, ég er meira að segja með svona “punt” kassa þar sem ég geymi þá hluti sem ég er ekki að nota hverju sinni og í hverri viku þegar ég þurrka af þá dreg ég fram kassan og breyti einhverju. Mæli alveg með því að prufa þetta (þótt það sé kannski óþarfi að gera þetta í hverri viku) en það heldur manni á tánum með skreytingar heimilisins og þannig nær maður líka að nota alla hlutina sína.”
Ég er frekar hrifin af þessari pælingu hennar, en eins og ég sagði hér síðast þá er ég allt í einu að kafna úr hlutum, sem fá þá kannski ekki að njóta sín jafn vel fyrir vikið. Ég sat uppí sófa seint í gærkvöldi og horfði í kringum mig, og áttaði mig þá líka á því að ég safna aaaalltof mörgu bleiku!
Ég leyfi mér samt að dreyma um þennan laxableika Savoy vasa sem er væntanlegur.. greyið Andrés!:)
…bleikur slæðist alltaf með…
Skrifa Innlegg