Við þekkjum öll Krummann hennar Ingibjargar Hönnu, enda ein frægasta íslenska hönnunin. Á facebook síðu Ihanna home eru reglulega birtar myndir af fallegum heimilum þar sem Krumminn sést, hann hefur nefnilega ferðast víðsvegar um heiminn eftir að hafa komið fyrst á markað árið 2007. Ég fékk einn í jólagjöf frá systur minni stuttu eftir að hann lenti í verslunum og ég hef alltaf verið mjög hrifin af honum, þrátt fyrir það að þetta sé einn af hlutunum sem “allir eiga”, en það hlýtur að vera ástæða fyrir því. Þetta er einn af þessum hlutum sem erfitt er að fá nóg af, því hann er svo dásamlega einfaldur og flottur og eldist stórvel.
Ég fékk í láni nokkrar myndir af facebook síðu Ihanna home –
//Scandinavian lovesong
//Scandinavian lovesong
Ég er þessa stundina að leita af hentugum stað fyrir Krummann minn á þessu heimili, hann hefur nefnilega ekki enn verið hengdur upp eftir síðustu flutninga ásamt svo mörgu öðru. Þessar myndir hér að ofan gefa góðar hugmyndir. Þið getið merkt instagram myndir frá ykkur af Krumma eða annari hönnun eftir Ingibjörgu með #ihannahome til að deila með okkur hinum:)
Skrifa Innlegg