Júniform er mikið á milli tannana á fólki í dag.
Það hefur eflaust ekki farið framhjá neinum að stöllurnar Ragnhildur Steinunn og Eva María hafa mjög oft klæðst Júniform hönnun í sjónvarpinu, og þá sérstaklega Ragnhildur Steinunn.
Birta Björnsdóttir hönnuður og eigandi Júníform er núna harðlega gagngrýnd opinberlega fyrir að vera ekki menntaður fatahönnuður og fylgja ekki ríkjandi tískustraumum í hönnun sinni.
En fagstjóri fatahönnunardeildar Listaháskóla Íslands sá sig knúna til að senda Evu Maríu og Ragnhildi bréf ásamt því að senda Fréttablaðinu afrit að bréfi sínu;
“Sæl.Þið stöllur voruð í einhverjum ljóstustu kjólum sem ég hef séð í kvöld í sjónvarpinu.Þið hjá RUV eigið berið þá ábyrgð að sýna ávalt það sem er best í menningu, hönnun og listum.Ykkur tókst í kvöld að upphefja eitthvað það versta sem er að gerast í fatahönnun á Íslandiog sýna stórkostlegan skort á fagmennsku og það ekki í fyrsta skipti.þetta myndi ekki gerast hjá BBC.Kveðja.Linda Björg Árnadóttir.Fagstjóri í fatahönnun við LHÍ”
Mjög svo ófagmannlegt bréf að mínu mati.
En Marta María á Pressunni fjallaði líka um þetta mál þann 16.febrúar.
“Hver getur dæmt um hvort flík sé ljót eða falleg? Ég verð að játa að mér fannst kjólarnir fantaflottir. Linda Björg talar um í bréfinu að kjólarnir hafi ekki verið í takt við ráðandi tískustrauma. Bíddu, hvað á hún við? Fyrir það fyrsta voru kjólarnir gráir að lit. Síðast þegar ég vissi var grái liturinn móðins. Þar að auki voru kjólarnir skreyttir með pífum eins og hönnuðir á borð við Dior og Chanel eru svo hrifnir að.”
Og nú í dag skrifaði Vala um þetta mál á Pjattrófunum
“Nú er ég nokkuð viss um að Marta María og Birta í Júníform eru vinkonur og þessvegna er Marta María sár fyrir hönd vinkonu sinnar og reynir að koma henni til varnar.
Ragnhildur Steinunn virðist reyndar hafa tekið sérstaklega miklu ástfóstri við Júníform og sést nánast öll kvöld í fatnaði frá þeim. Það er alveg gott og blessað að vilja ”auglýsa” fatnað vinkonu sinnar en það væri vel þegið af hönnuðum þessa lands að þær stöllur í sjónvarpi myndi sýna meiri fjölbreytileika og klæðast hönnun fleiri hönnuða en Júníform og Spakmannsspjara. Þeir eru jú mikið fleiri. RÚV er miðill í almannaeign og starfsfólk þessa miðils ætti að taka mið af því fá ráðgjöf hæfileikaríkra fagaðila til að sjá um uppsetningu allrar umgjarðar sjónvarpsefnis í beinni, allt frá sviðsmynd til klæðnaðar og förðunar, og byggja þetta upp á fjölbreytni frekar en klíkuskap.
Fyrir 2 klst síðan birti Birta Björnsdóttir eigandi Júniform bréf sem hún skrifar til rektors Listaháskóla Íslands þar sem hún fer fram á opinbera afsökun frá skólanum.
“Hvað er í tísku og hvað er góð hönnun eða slæm? Hefur Listaháskólinn það vald að segja til hverju sinni hvað það er sem er í tísku, sérstaklega á þann hátt sem gert hefur verið nú? Hvað gefur hönnuði nægan trúverðugleika til að dæma hönnun annarra hönnuða á sama markaði á þennan hátt? Það er eitt að hanna stöku kjól fyrir sýningar og viðburði en annað að halda úti vel reknu fatamerki á íslenskum markaði eins og Júniform hefur ætíð gert. Að hanna falleg föt sem fólk vill kaupa og klæðast er engin hægðarleikur. Það ætti Linda að vita manna best því skemmst er að minnast vofveiflegs gjaldþrots fatamerkis hennar, Crylab, þar sem sviðin jörð og kröfur í tómt þrotabú var það eina sem sat eftir. Hvaða alvöru hönnuður hannar föt sem enginn vill kaupa? Það er auðvelt fyrir hana að standa í sínum fílabeinsturni og níða þá sem vel gengur að selja hönnun sína.”
Væri eðlilegt að fagstjóri leiklistardeildar Listaháskólans gagnrýndi Jón Gnarr og RÚV fyrir leik hans í áramótaskaupinu með orðunum “mér þykir leikur hans lélegur”, og eins um leik Péturs Jóhanns í Fangavaktinni með orðunum “einhvað það versta sem er að gerast í leiklist”. Báðir þessir leikarar eru ófaglærðir en þrátt fyrir það einir ástsælustu leikarar þjóðarinnar. Að sjálfsögðu eru fagstjóri leiklistardeildarinnar og fagstjórar annarra deilda innan skólans meiri fagmenn en það.
Þar sem mér, Birtu Björnsdóttur, þykir hafa verið brotið gróflega á mér af hendi Listaháskólans og starfsfólks hans og hönnun mín nídd á óréttlátan hátt í fjölmiðlum, fer ég tafarlaust fram á formlega afsökunarbeiðni að hálfu skólans. Yðar einlæg Birta Björnsdóttir
Heyr Heyr fyrir Birtu að skrifa þetta fína bréf og mikið er ég sammála henni! Hvað er falleg flík?
Smekkur manna er auðvitað mjög misjafn, ég persónulega er mjög hrifin af Júniform merkinu og Birta fer alltaf sínar eigin leiðir í hönnun sinni sem er oft augljóslega copy-að af öðrum íslenskum hönnuðum, eða hún veitir þeim að minnsta kosti mikinn innblástur. Þið vitið sjálfar hvaða merki ég á þar við:)
Lesið þessar 3 síður og segjið mér síðan hvað ykkur finnst um þetta mál!!!
-S
Skrifa Innlegg